Шрифт

Месяцеслов / Календарь 2020

22 октября 2020 года - Четверг

Седмица 20-я по Пятидесятнице, глас 2

Сегодня Святая Церковь совершает память:

Апостола Иа́кова Алфеева (I); прпп. Андрони́ка и жены его Афана́сии (V).

Правв. Авраа́ма праотца и племянника его Лота (2000 г. до Р. Х.); мчч. Евве́нтия (Иувенти́на) и Максима воинов (361–363); св. По́плии исп., диаконисы Антиохийской (ок. 361–363); прп. Петра Галатийского (IX).

Сщмчч. Константина Сухова и Петра Вяткина, пресвитеров (1918); сщмч. Константина Аксёнова, пресвитера (1937); Обре́тение мощей исп. Севастиа́на Карагандинского (Фомина), архимандрита (1997).

Икон Божией Матери: Корсунская; «Корсунская Прозренная» («Шпилевская»).

Апостолу Иакову Алфееву

Тропарь, глас 3:

Апо́столе святы́й Иа́кове,/ моли́ Ми́лостиваго Бо́га,/ да прегреше́ний оставле́ние// пода́ст душа́м на́шим.

Кондак, глас 2:

Тве́рдо му́дрости догма́ты в ду́ши благочести́вых вложи́вшаго/ похвала́ми да ублажи́м я́ко Боговеща́теля вси Иа́кова:/ Престо́лу бо сла́вы Влады́чню предстоя́/ и со все́ми А́нгелы ра́дуется,// моля́ непреста́нно о всех нас.

Преподобному Андронику Антиохийскому

Тропарь, глас 1:

Пусты́нный жи́тель и в телеси́ А́нгел и чудотво́рец показа́лся еси́,/ Богоно́сне о́тче наш Андрони́че,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя и ду́ши ве́рою притека́ющих к тебе́./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.

Кондак, глас 4:

Благоро́дия нра́вом тя че́стно похва́лим, Андрони́че,/ и́же Госпо́дь в лик преподо́бным отце́м сочета́,// я́ко вои́стинну благоро́дия Боже́ственныя сла́вы вене́ц улучи́.

Священномученику Константину Сухову

Тропарь, глас 3:

Ве́ры кре́посте, наде́жды утвержде́ние,/ любве́ прича́стниче, за Христа́ пострада́вый/ и зе́млю Росси́йскую кро́вию обагри́вый,/ священному́чениче Константи́не,// моли́ Христа́ Бо́га спасти́ся душа́м на́шим.

Кондак, глас 3:

Земли́ Сама́рския украше́ние,/ ста́до Христо́во в ве́ре наставля́л еси́,/ от земна́го престо́ла к Престо́лу небе́сному возше́д,/ и та́мо за ове́ц слове́сных мо́лиши// Того́, И́же ми́р созда́вый.

Преподобноисповеднику Севастиану Карагандинскому

Тропарь, глас 3:

Тро́ицы Святы́я служи́телю,/ земны́й а́нгеле и небе́сне челове́че,/ духо́внаго О́птинскаго ста́рчества прее́мниче,/ Христо́в священнотаи́нниче и испове́дниче,/ Ду́ха Свята́го оби́тель всечестна́я,/ преподо́бне о́тче Севастиа́не, досточти́ме,/ испроси́ ми́рови ми́р// и душа́м на́шим ве́лию ми́лость.

Кондак, глас 3:

Чистото́ю душе́вною боже́ственне вооружи́вся и непреста́нныя моли́твы, я́ко копие́, вручи́в кре́пко, пробо́л еси́ бесо́вская ополче́ния, Севастиане о́тче наш, моли́ непреста́нно о всех нас.

Молитва:

О, пречестна́я и свяще́нная главо́, благода́ти Свята́го Ду́ха испо́лненная, Спа́сово со Отце́м обита́лище, ста́рцев о́птинских учениче́ и прее́мниче, гра́да Караганды́ светле́йшее украше́ние, Казахстанския страны́ богодарова́нный моли́твенниче, Це́ркви Ру́сския па́стырю богопросла́вленный, си́рым и вдови́цам засту́пниче, немощны́х врачу́ безме́здный, пра́вило ве́ры и благоче́стия, преподо́бных сожи́телю и му́чеников соприча́стниче, богоно́сне о́тче на́ш Севастиа́не досточти́ме! К тебе́ усе́рдно прибега́я, моле́ние те́плое прино́сим: от сокро́вищницы твоея́ пода́ждь и на́шему убо́жеству; смире́нием твои́м на́шу горды́ню низложи́; безстра́стием на́ша стра́сти попали́; бо́дрствованием ле́ности на́вык от на́с отжени́; сле́зными то́ки на́ше нечу́вствие пробуди́; бде́нием от нераде́ния на́с возста́ви; моли́твами и в на́с пла́мень моли́твы возжги́; любо́вию на́с братолю́бны сотвори́; пода́ждь же на́м ду́х кро́тости и смире́ния, ду́х чистоты́ и благоче́стия; от страсте́й многонеду́жия на́с свободи́ и ко и́стинному покая́нию приведи́. Ты́ бо во уме́ твое́м непреста́нно име́л еси́ на Кресте́ Распя́вшагося за на́с Сы́на Бо́жия, Того́ сладча́йшее И́мя во уме́ и в се́рдце непреста́нно име́ти и на́с научи́, да любо́вию Тому́ пламене́я, стра́шный о́ный де́нь су́дный сре́тити угото́вимся, и в Ца́рствие Небе́сное вни́ти с тобо́ю сподо́бимся, сла́вити и воспева́ти Триеди́ную держа́ву Бо́га на́шего: Отца́ и Сы́на и Ду́ха Свята́го во ве́ки. Ами́нь.