Шрифт
Псалом 39
В конец, псалом Давиду |
К исполнению. Псалом Давида. |
1 Терпя, потерпех Господа, и внят ми, и услыша молитву мою. |
1 С терпением уповал я на Господа, и Он внял мне, и услышал молитву мою, |
2 И возведе мя от рова страстей, и от брения тины, и постави на камени нозе мои, и исправи стопы моя, |
2 и из рва страдания вывел меня и из тины болотной, и поставил на скале ноги мои, и направил стопы мои. |
3 и вложи во уста моя песнь нову, пение Богу нашему. Узрят мнози и убоятся, и уповают на Господа. |
3 И вложил во уста мои песнь новую, пение Богу нашему; увидят многие и убоятся и надеяться будут на Господа. |
4 Блажен муж, eмуже есть имя Господне упование eго, и не призре в суеты и неистовления ложная. |
4 Блажен муж, для которого имя Господне – надежда его, и не смотрел он на тщету и на неистовства лживые. |
5 Многа сотворил еси Ты, Господи, Боже мой, чудеса Твоя и помышлением Твоим несть кто уподобится Тебе: возвестих и глаголах, умножишася паче числа. |
5 Много сотворил Ты, Господи, Боже мой, чудес Твоих, и в замыслах Твоих никто не сравнится с Тобой! Я возвестил и сказал: "Умножились они сверх числа!" |
6 Жертвы и приношения не восхотел еси, тело же свершил ми еси, всесожжений и о гресе не взыскал еси. |
6 Жертв и приношений Ты не восхотел, но тело уготовал мне; всесожжений и жертв за грех не потребовал Ты. |
7 Тогда рех: се прииду, в главизне книжне писано есть о мне: |
7 Тогда я сказал: "Вот, иду, в начале книги написано о мне. |
8 еже сотворити волю Твою, Боже мой, восхотех, и закон Твой посреде чрева моего. |
8 Сотворить волю Твою, Боже мой, я восхотел, и закон Твой – посреди внутренности моей". |
9 Благовестих правду в церкви велицей, се устнам моим не возбраню: Господи, Ты разумел еси. |
9 Благовествовал я правду в собрании великом, вот, я устам моим не возбраню, – Ты, Господи, знаешь. |
10 Правду Твою не скрых в сердце моем, истину Твою и спасение Твое рех, не скрых милость Твою и истину Твою от сонма многа. |
10 Правду Твою не скрыл я в сердце моём, истину Твою и спасение Твоё изрёк, не скрыл милости Твоей и истины Твоей от многочисленного сонма. |
11 Ты же, Господи, не удали щедрот Твоих от мене: милость Твоя и истина Твоя выну да заступите мя. |
11 Ты же, Господи, не удали сострадания Твоего от меня: милость Твоя и истина Твоя пусть помогают мне постоянно. |
12 Яко одержаша мя злая, имже несть числа, постигоша мя беззакония моя, и не возмогох зрети, умножишася паче влас главы моея, и сердце мое остави мя. |
12 Ибо охватили меня беды, которым нет числа, настигли меня беззакония мои – и не смог я смотреть; умножились они более, чем волос на голове моей, и сердце моё оставило меня. |
13 Благоволи, Господи, избавити мя: Господи, во еже помощи ми вонми. |
13 Благоволи, Господи, избавить меня, Господи, на помощь мне обратись! |
14 Да постыдятся и посрамятся вкупе ищущии душу мою изъяти ю, да возвратятся вспять и постыдятся хотящии ми злая. |
14 Да постыдятся и посрамятся вместе ищущие душу мою, чтобы исторгнуть её; да обратятся назад и постыдятся желающие мне зла. |
15 Да приимут абие студ свой глаголющии ми: благоже, благоже. |
15 Да понесут тотчас позор свой говорящие мне: "Хорошо же, хорошо же!" |
16 Да возрадуются и возвеселятся о Тебе вси ищущии Тебе, Господи, и да рекут выну: да возвеличится Господь, любящии спасение Твое. |
16 Да возрадуются и возвеселятся о Тебе все, ищущие Тебя, Господи, и да говорят непрестанно: "Да возвеличится Господь", – любящие спасение Твоё. |
17 Аз же нищ есмь и убог, Господь попечется о мне. Помощник мой и Защититель мой еси Ты, Боже мой, не закосни. |
17 Я же нищ и беден: Господь позаботится о мне; помощник мой и защитник мой – Ты, Боже мой, не замедли! |
Слава: |
Слава: |
Терпя, потерпех Господа, и внят ми, и услыша молитву мою. И возведе мя от рова страстей, и от брения тины, и постави на камени нозе мои, и исправи стопы моя, и вложи во уста моя песнь нову, пение Богу нашему. Узрят мнози и убоятся, и уповают на Господа. Блажен муж, емуже есть имя Господне упование его, и не призре в суеты и неистовления ложная. Многа сотворил еси Ты, Господи, Боже мой, чудеса Твоя и помышлением Твоим несть кто уподобится Тебе: возвестих и глаголах, умножишася паче числа. Жертвы и приношения не восхотел еси, тело же свершил ми еси, всесожжений и о гресе не взыскал еси. Тогда рех: се прииду, в главизне книжне писано есть о мне: еже сотворити волю Твою, Боже мой, восхотех, и закон Твой посреде чрева моего. Благовестих правду в церкви велицей, се устнам моим не возбраню: Господи, Ты разумел еси. Правду Твою не скрых в сердце моем, истину Твою и спасение Твое рех, не скрых милость Твою и истину Твою от сонма многа. Ты же, Господи, не удали щедрот Твоих от мене: милость Твоя и истина Твоя выну да заступите мя. Яко одержаша мя злая, имже несть числа, постигоша мя беззакония моя, и не возмогох зрети, умножишася паче влас главы моея, и сердце мое остави мя. Благоволи, Господи, избавити мя: Господи, во еже помощи ми вонми. Да постыдятся и посрамятся вкупе ищущии душу мою изъяти ю, да возвратятся вспять и постыдятся хотящии ми злая. Да приимут абие студ свой глаголющии ми: благоже, благоже. Да возрадуются и возвеселятся о Тебе вси ищущии Тебе, Господи, и да рекут выну: да возвеличится Господь, любящии спасение Твое. Аз же нищ есмь и убог, Господь попечется о мне. Помощник мой и Защититель мой еси Ты, Боже мой, не закосни.