Шрифт

Месяцеслов / Календарь 2020

6 марта 2020 года - Пятница

Седмица 1-ая Великого поста, глас 4

Святая Четыредесятница

Сегодня Святая Церковь совершает память:

Обре́тение мощей мучеников, иже во Евгении (395–423).

Мчч. Маври́кия и 70-ти воинов: Фоти́на, Фео́дора, Фили́ппа и иных (ок. 305); прпп. Фала́ссия, Ли́мния и Варада́та, пустынников Сирийских (V); прп. Афана́сия Павлопетрийского, исп. (821).

Сщмчч. Ио́сифа Смирнова и Влади́мира Ильинского, пресвитеров, Иоа́нна Касторского, диакона и мч. Иоа́нна Перебаскина (1918); сщмчч. Михаи́ла Горбунова, Иоа́нна Орлова, Ви́ктора Моригеровского, Иоа́нна Парусникова, Се́ргия Белокурова, Андре́я Ясенева, Па́вла Смирнова, пресвитеров, прмчч. Се́ргия (Букашкина) и Анти́пы (Кириллова), иеромонахов, прмц. Параске́вы Макаровой, послушницы, мчч. Стефа́на Франтова и Никола́я Некрасова, мцц. Елисаве́ты Тимохиной, Ири́ны Смирновой и Варва́ры Лосевой (1938); мч. Андре́я Гневышева (1941); прмч. Филаре́та (Пряхина), игумена (1942).

Молитвы Четыредесятницы

Молитва прп. Ефрема Сирина

Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон земной.)

Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон земной.)

Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон земной.)

Таже малых 12, глаголюще на кийждо поклон: Бо́же, очи́сти мя гре́шнаго.

И паки последи молитву всю: Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. Дух же целому́дрия, смиренному́дрия, терпе́ния, и любве́, да́руй ми рабу́ Твоему́. Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (И поклон един великий.)

Мученикам, иже во Евгении

Тропарь, глас 4:

Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами/ спаси́ ду́ши на́ша.

Кондак, глас 4:

От земли́ возсия́вше я́ко свети́ла пра́вды,/ нече́стия всю отрази́сте мглу/ и ве́рных просвеща́ете,/ му́ченицы Боже́ственнии,// Тро́ицы побо́рницы.

Преподобномученику Филарету (Пряхину)

Тропарь, глас 5:

Учи́телю благоче́стия/, и́стинныя ве́ры Христо́вы ревни́телю/, новому́чениче Филаре́те/, Про́нския и Срезне́вския земли́ украше́ние/ стяжа́л еси́ в се́рдце твое́м Ду́ха Свята́го благода́ть/ Христа́ му́жественно испове́дал еси́/, к новому́чеником Росси́йским бы́в причте́н,/ сла́ву на небесе́х насле́довал еси́/. Моли́ся приле́жно Влады́ке Христу́, / да сохрани́т Оте́чество на́ше в ми́ре и благоде́нствии,// и спасе́т души́ на́ша.

Кондак, глас 2:

Чистото́ю душе́вною боже́ственне вооружи́вся и непреста́нныя моли́твы, я́ко копие́, вручи́в кре́пко, пробо́л еси́ бесо́вская ополче́ния, Филарете о́тче наш, моли́ непреста́нно о всех нас.