Псалтирь на всякую потребу
Когда видишь гордыню и умножающуюся злобу многих, видишь, что уже у людей нет ничего святого: Псалом 11
Псалмы в различных обстоятельствах по советам и наставлениям святых
В коне́ц, о осме́й, псало́м Дави́ду, 11.
Спаси́ мя, Го́споди, я́ко оскуде́ преподо́бный, я́ко ума́лишася и́стины от сыно́в челове́ческих. Су́етная глаго́ла ки́йждо ко и́скреннему своему́, устне́ льсти́выя в се́рдце, и в се́рдце глаго́лаша зла́я. Потреби́т Госпо́дь вся́ устны́ льсти́выя, язы́к велере́чивый, ре́кшыя: язы́к на́ш возвели́чим, устны́ на́ша при на́с су́ть, кто́ на́м Госпо́дь е́сть? Стра́сти ра́ди ни́щих и воздыха́ния убо́гих ны́не воскресну́, глаго́лет Госпо́дь, положу́ся во спасе́ние, не обиню́ся о не́м. Словеса́ Госпо́дня словеса́ чи́ста, сребро́ разжже́но, искуше́но земли́, очище́но седмери́цею. Ты́, Го́споди, сохрани́ши ны́ и соблюде́ши ны́ от ро́да сего́ и во ве́к. О́крест нечести́вии хо́дят, по высоте́ Твое́й умно́жил еси́ сы́ны челове́ческия.
![](treba_ps.jpg)