Если пленен чуждыми помыслами: Псалом 136

Псалмы в различных обстоятельствах по советам и наставлениям святых

Дави́ду Иереми́ем, 136.

На река́х Вавило́нских, та́мо седо́хом и пла́кахом, внегда́ помяну́ти на́м Сио́на. На ве́рбиих посреде́ его́ обе́сихом орга́ны на́ша. Я́ко та́мо вопроси́ша ны́ пле́ншии на́с о словесе́х пе́сней и ве́дшии на́с о пе́нии: воспо́йте на́м от пе́сней Сио́нских. Ка́ко воспое́м пе́снь Госпо́дню на земли́ чужде́й? А́ще забу́ду тебе́, Иерусали́ме, забве́на бу́ди десни́ца моя́. Прильпни́ язы́к мо́й горта́ни моему́, а́ще не помяну́ тебе́, а́ще не предложу́ Иерусали́ма, я́ко в нача́ле весе́лия моего́. Помяни́, Го́споди, сы́ны Едо́мския, в де́нь Иерусали́мль глаго́лющия: истоща́йте, истоща́йте до основа́ний его́. Дщи́ Вавило́ня окая́нная, блаже́н и́же возда́ст тебе́ воздая́ние твое́, е́же воздала́ еси́ на́м. Блаже́н и́же и́мет и разбие́т младе́нцы твоя́ о ка́мень.