Месяцеслов - тропари и кондаки праздников

АПРЕЛЬ

6. Предпразднство Благовещения Пресвятыя Богородицы.

Тропарь, глас 4:

Днесь всеми́рныя ра́дости нача́тки / предпра́зднственное воспе́ти повелева́ют: / се бо Гаврии́л прихо́дит, / Де́ве нося́ благове́стие, / и к Ней вопие́т: / ра́дуйся, Благода́тная, / Госпо́дь с Тобо́ю.

Кондак, глас 8:

Всем земны́м нача́ло спасе́ния на́шего Ты еси́, Богоро́дице Де́во, / Бо́жий бо служи́тель с Небе́с по́слан предста́ти Тебе́, / вели́кий чинонача́льник Гаврии́л, / ра́дость обра́дованную Ти принесе́. / Тем вси зове́м Ти: / ра́дуйся, Неве́сто Неневе́стная.

7. Благовещение Пресвятыя Владычицы нашея Богородицы и Приснодевы Марии.

Тропарь, глас 4:

Днесь спасе́ния на́шего глави́зна / и е́же от ве́ка та́инства явле́ние: / Сын Бо́жий Сын Де́вы быва́ет, / и Гаврии́л благода́ть благовеству́ет. / Те́мже и мы с ним Богоро́дице возопии́м: / ра́дуйся, Благода́тная, / Госпо́дь с Тобо́ю.

Кондак, глас 8:

Взбра́нной Воево́де победи́тельная, / я́ко изба́вльшеся от злых, / благода́рственная воспису́ем Ти, раби́ Твои́, Богоро́дице, / но, я́ко иму́щая держа́ву непобеди́мую, / от вся́ких нас бед свободи́, да зове́м Ти: / ра́дуйся, Неве́сто Неневе́стная.