Шрифт

Помощь святых в нуждах / Молитвы Архангелам и Ангелам

Кому молиться в болезнях и житейских нуждах

Архангелы — наши покровители

Архангел Рафаил

(8/21 ноября)

Архангел Рафаил — врачевание Божие, целитель недугов человеческих.

Молитвы

Архангелу Рафаилу

Тропарь, глас 4:

Небе́сных во́инств Архистрати́же,/ мо́лим тя при́сно мы недосто́йнии,/ да твои́ми моли́твами огради́ши нас/ кро́вом крилу́ невеще́ственныя твоея́ сла́вы,/ сохраня́я нас, припа́дающих приле́жно и вопию́щих:/ от бед изба́ви нас,// я́ко чинонача́льник Вы́шних сил.

Кондак, глас 2:

Архистрати́же Бо́жий, служи́телю Боже́ственныя сла́вы,/ А́нгелов нача́льниче, и челове́ков наста́вниче,/ поле́зное нам проси́, и ве́лию ми́лость,// я́ко Безпло́тных Архистрати́г.

Величание

Велича́ем вас,/ Арха́нгели и А́нгели/ и вся во́инства,/ Херуви́ми и Серафи́ми,// сла́вящия Го́спода.

Молитва:

О, вели́кий Арха́нгеле Бо́жий Рафаи́ле, прие́мый дар от Бо́га цели́ти неду́ги, исцели́ неисце́льные я́звы моего́ се́рдца и мно́гие боле́зни моего́ те́ла. О, вели́кий Арха́нгеле Бо́жий Рафаи́ле, ты еси́ путеводи́тель, врач и цели́тель, руково́дствуй меня́ ко спасе́нию и исцели́ все боле́зни мои́ душе́вные и теле́сные, и проведи́ меня́ к Престо́лу Бо́жию, и умоли́ Его́ благоутро́бие за гре́шную мою́ ду́шу, да прости́т меня́ Госпо́дь и сохрани́т от всех враго́в мои́х и от злых челове́к, от ны́не и до ве́ка. Ами́нь.

Каноны и акафисты