Шрифт
Месяцеслов / Календарь 2026
1 марта 2026 года - Воскресенье
Неделя 1-я Великого поста. Торжество Православия. Глас 5-й.
Великий пост
Сегодня Святая Церковь совершает память:
Мчч. Памфи́ла, пресвитера, Вале́нта (Уале́нта), диакона, Па́вла, Порфи́рия, Селе́вкия, Феоду́ла, Иулиа́на, Самуи́ла, Илии́, Дании́ла, Иереми́и, Иса́ии (307–309); свт. Мака́рия (Невского), митрополита Московского и Коломенского (1926). Собор святых Новосибирской митрополии.
Мучеников Персидских в Мартирополе (IV); прп. Мару́фа, епископа Месопотамского (422).
Священномученика Петра́ Успенского, пресвитера (1938).
Иконы Божией Матери Кипрской в с. Стромынь Московской обл. (переходящее празднование в 1-ю Неделю Великого поста).
Читать Священное Писание вместе с Церковью:
Воскресению
Тропарь, глас 5:
Собезнача́льное Сло́во Отцу́ и Ду́хови,/ от Де́вы ро́ждшееся на спасе́ние на́ше,/ воспои́м, ве́рнии, и поклони́мся,/ я́ко благоволи́ пло́тию взы́ти на кре́ст,/ и сме́рть претерпе́ти,/ и воскреси́ти уме́ршия// сла́вным воскресе́нием Свои́м.
Кондак, глас 5:
Ко а́ду, Спа́се мо́й, соше́л еси́,/ и врата́ сокруши́вый я́ко Всеси́лен,/ уме́рших я́ко Созда́тель совоскреси́л еси́,/ и сме́рти жа́ло сокруши́л еси́,/ и Ада́м от кля́твы изба́влен бы́сть,/ Человеколю́бче, те́мже вси́ зове́м:// спаси́ на́с, Го́споди.
Недели Торжества Православия
Тропарь, глас 2:
Пречи́стому Образу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же;/ во́лею бо благоволи́л еси́ пло́тию взы́ти на крест,/ да изба́виши я́же созда́л еси́ от рабо́ты вра́жия./ Тем благода́рственно вопие́м Ти:/ ра́дости испо́лнил еси́ вся, Спа́се наш,// прише́дый спасти́ мир.
Кондак, глас 2:
Неопи́санное Сло́во Отчее,/ из Тебе́, Богоро́дице, описа́ся воплоща́емь:/ и оскве́рншийся о́браз в дре́внее вообрази́в,/ Боже́ственною добро́тою смеси́./ Но испове́дающе спасе́ние,// де́лом и сло́вом, сие́ вообража́ем.
Стихиры, глас 8:
Слава: Покая́ния отве́рзи ми две́ри, Жизнода́вче, / у́тренюет бо дух мой ко хра́му свято́му Твоему́, / храм нося́й теле́сный весь оскверне́н: / но я́ко щедр, очи́сти / благоутро́бною Твое́ю ми́лостию.
И ныне, Богородичен: На спасе́ния стези́ наста́ви мя, Богоро́дице, / сту́дными бо окаля́х ду́шу грехми́, / и в ле́ности все житие́ мое́ ижди́х: / но Твои́ми моли́твами / изба́ви мя от вся́кия нечистоты́.
Таже, глас 6: Поми́луй мя, Бо́же, / по вели́цей ми́лости Твое́й, / и по мно́жеству щедро́т Твои́х, / очи́сти беззако́ние мое́.
Мно́жества соде́янных мно́ю лю́тых помышля́я окая́нный, / трепе́щу стра́шнаго дне су́днаго: / но наде́яся на ми́лость благоутро́бия Твоего́, / я́ко Дави́д вопию́ Ти: / поми́луй мя, Бо́же, / по вели́цей Твое́й ми́лости.
Святителю Макарию, митрополиту Московскому, Алтайскому (житие / история праздника)
Тропари, глас 4:
Боже́ственныя ве́ры пропове́данием,/ зе́млю Сиби́рскую озари́л еси́,/ теплоту́ и све́т Христо́в источа́я,/ ко Христу́ мно́гия лю́ди приве́л еси́,/ первопресто́льному гра́ду Москве́ и всея́ России́ пресла́вное украше́ние яви́лся еси́,/ апо́стольским дея́нием ревну́я,/ созида́л еси́ Це́рковь Христо́ву,/ па́стырю на́ш до́брый святи́телю Мака́рие,// моли́ Христа́ Бо́га спасти́ся все́м на́м.
Кондак, глас 2:
Боже́ственный гром, труба́ духо́вная, ве́ры насади́телю и отсека́телю ересе́й, Тро́ицы уго́дниче, вели́кий святи́телю Макарие, со А́нгелы предстоя́ при́сно, моли́ непреста́нно о всех нас.
Мученику Памфилу и иже с ним (житие / история праздника)
Тропарь, глас 2:
Му́ченицы Твои́, Го́споди, во страда́ниих свои́х венцы́ прия́ша нетле́нныя от Тебе́, Бо́га на́шего: имуще бо кре́пость Твою́, мучи́телей низложи́ша, сокруши́ша и де́монов немощны́я де́рзости; тех моли́твами спаси́ ду́ши на́ша.
Кондак, глас 4:
Муче́нием стра́шным предлежа́щим/ Госпо́дни страда́льцы до́блии/ в небоя́зненном ра́дующеся мудрова́нии,/ сим собесе́доваша, о пло́ти неради́вше,/ темже насле́дствоваша ве́чнующую сла́ву,/ о нас моля́щеся при́сно,/ восхваля́ющих их по́двиги.
Каноны, акафисты и последования
