Священномученику Захарии (Лобову) архиепископу Воронежскому и Задонскому

Тропарь, глас 5:

Па́мяти Госпо́дней до́брый храни́телю,/ и́стинный ева́нгелия служи́телю/ священному́чениче Заха́рие пресла́вне,/ ду́шу свою́ за И́стину положи́в,/ не преста́й за ны, о́тче, моли́те Влады́ку Христа́:/ дарова́ти нам кре́пость духо́вную// мир и ве́лию ми́лость.

Кондак, глас 2:

Предте́чева роди́теля соиме́нника,/ и ре́вности о́наго о Бо́зе подража́теля,/ священному́ченика пречу́днаго Заха́рию восхва́лим ве́рнии,/ сей бо попече́ния о па́стве Христо́вой не оста́ви в го́рьких рабо́тах/ и по кончи́не те́пле мо́лит Христа́ Бо́га,/ во е́же изба́вити ны от пре́лести лука́ваго// и ве́рность Це́ркви сохрани́ти.

Величание

Велича́ем тя,/ священному́чениче Заха́рие,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.