Собору Рязанских святых

Тропарь, глас 8:

Святи́и вси в земли́ Ряза́нстей и Му́ромстей просия́вшии,/ при́снии на́ши моли́твенницы и засту́пницы,/ моли́те Влады́ку Христа́ Бо́га на́шего// мир вселе́нней дарова́ти и душа́м на́шим ве́лию ми́лость.

Кондак, глас 8:

Я́ко многосве́тлыя зве́зды, от гра́да Ряза́ни возсия́вшии, уго́дницы Христо́вы, Правосла́вия охрани́тели и благоче́стия учи́тели, при́сные на́ши засту́пницы мо́лим вас, за ны Христу́ Бо́гу и Пречи́стей Его́ Ма́тери моли́теся, да благода́рною душе́ю зове́м: ра́дуйтеся, святи́и вси, в земли́ Ряза́нстей просия́вшии.

Величание:

Велича́ем вас,/ святи́и вси земли́ Ряза́нстей и Му́ромстей,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.