Преподобномученикам многим

Тропарь, глас 4:

Бо́же оте́ц на́ших, / творя́й при́сно с на́ми по Твое́й кро́тости, / не оста́ви ми́лость Твою́ от нас, / но моли́твами их // в ми́ре упра́ви живо́т наш.

Кондак, глас 2:

Волне́ний мно́жество невла́жно проходя́ще, / безпло́тныя враги́ струя́ми слез ва́ших кре́пко погрузи́ли есте́, / богому́дрии и преподо́бнии, / и чуде́с дар прии́мше, // моли́те непреста́нно о всех нас.

Величание

Ублажа́ем вас, / преподо́бнии му́ченицы (имярек), / и чтим святу́ю па́мять ва́шу, / наста́вницы мона́хов, // и собесе́дницы А́нгелов.