Мученику Леонтию Триполийскому

Тропарь, глас 4:

Му́ченик Твой, Го́споди, Лео́нтий/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.

Кондак, глас 3:

Мучи́телей посрами́л еси́ лука́вая кова́рства/ и е́ллинов обличи́л еси́ безбо́жное служе́ние,/ возсия́л еси́ богоразу́мие всем челове́ком уче́ньми благоче́стия,/ Богому́дре му́чениче./ Сего́ ра́ди твою́ па́мять почита́ем любо́вию,// прему́дре Лео́нтие.

Величание

Велича́ем тя,/ страстоте́рпче святы́й Лео́нтие,/ и чтим честна́я страда́ния твоя́,/ я́же за Христа́// претерпе́л еси́.