Апостолам Иасону и Сосипатру

Тропарь, глас 3:

Апо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.

Кондак, глас 4:

Яви́стеся, я́ко зве́зды пресве́тлыя,/ просвеща́юще всю вселе́нную све́том пропове́дания,/ апо́столи Боже́ственнии/ Иа́соне и Сосипа́тре,// спаса́йте ве́рою чту́щих вас.

Величание

Велича́ем вас,/ святи́и апо́столи Иа́соне и Сосипа́тре,/ весь мир уче́ньми свои́ми просвети́вшия,/ и вся концы́// ко Христу́ приве́дшия.