Преподобномученику Филарету (Пряхину)

Тропарь, глас 5:

Учи́телю благоче́стия/, и́стинныя ве́ры Христо́вы ревни́телю/, новому́чениче Филаре́те/, Про́нския и Срезне́вския земли́ украше́ние/ стяжа́л еси́ в се́рдце твое́м Ду́ха Свята́го благода́ть/ Христа́ му́жественно испове́дал еси́/, к новому́чеником Росси́йским бы́в причте́н,/ сла́ву на небесе́х насле́довал еси́/. Моли́ся приле́жно Влады́ке Христу́, / да сохрани́т Оте́чество на́ше в ми́ре и благоде́нствии,// и спасе́т души́ на́ша.

Кондак, глас 2:

Чистото́ю душе́вною боже́ственне вооружи́вся и непреста́нныя моли́твы, я́ко копие́, вручи́в кре́пко, пробо́л еси́ бесо́вская ополче́ния, Филарете о́тче наш, моли́ непреста́нно о всех нас.

Величание

Ублажа́ем тя,/ преподобному́чениче Филаре́те,/ и чтим святу́ю па́мять твою́,/ наста́вниче мона́хов// и собесе́дниче А́нгелов.