Священномученику Александру (Трапицыну), архиепископу Самарскому

Тропарь, глас 6:

Священномучениче Александре, безбожную крепость твердым борением низложил еси и вознесл еси веру Православную, злочестивое служение уничижил еси и дерзновенно Христа Бога проповедал еси и ныне неустанно молися за град Самару и вся волжския страны, даровати нам мир и велию милость.

Кондак, глас 2:

Яко просияв, Александре, житием святительским, и в мире облистал еси течением страдальчества, разгнал еси мрачную прелесть безбожников воинствующих и раскольников злобствующих, показав истинную славу православных, сего ради моли Христа Бога спастися душам нашим.

Величание

Велича́ем тя, страстоте́рпче святы́й Александре, и чтим честна́я страда́ния твоя́, я́же за Христа́ претерпе́л еси́.