Священномученикам Александру Любимову и Владимиру Двинскому

Тропарь, глас 1:

Ра́дуйся и красу́йся, земле́ Пско́вская, прославля́ющая дво́ицу свяще́нную, Алекса́ндра и Влади́мира, до́бре Христу́ Бо́гу и бли́жним послужи́вшии, и за пра́вду Бо́жию гоне́ния претерпе́вшии. Безу́мие мучи́телей посрами́ли есте́, страстоте́рпцы Святы́я Тро́ицы яви́стася. Ны́не у престо́ла Бо́жия предстоя́щии, Христа́ Бо́га моли́те во е́же спасти́ся душа́м на́шим.

Кондак, глас 3:

Я́ко свети́льники незаходи́мыя разу́мнаго Со́лнца, соше́дшеся днесь восхва́лим пе́сньми: возсия́ли бо есте́ су́щим во тьме неразу́мия, всех созыва́юще к высоте́ благоче́стия, священному́ченицы. Тем вопие́м вам: ра́дуйтеся, по́стников всех основа́ние.

Величание

Велича́ем вас,/ священному́ченицы Христо́вы, и чтим святу́ю па́мять ва́шу,/ вы бо мо́лите за нас// Христа́ Бо́га на́шего.