Да умирится злобный хозяин и не терзает своих ближних, работников. Псалом 74

Псалом 74

Испове́мыся Тебе́, Бо́же, испове́мыся Тебе́, и призове́м и́мя Твое́; пове́м вся́ чудеса́ Твоя́. Егда́ прииму́ вре́мя, А́з правоты́ возсужду́. Раста́яся земля́ и вси́ живу́щии на не́й, А́з утверди́х столпы́ ея́. Ре́х беззако́ннующым, не беззако́ннуйте: и согреша́ющым, не возноси́те ро́га, не воздвиза́йте на высоту́ ро́га ва́шего, и не глаго́лите на Бо́га непра́вду: я́ко ниже́ от исхо́д, ниже́ от за́пад, ниже́ от пусты́х го́р. Я́ко Бо́г судия́ е́сть: сего́ смиря́ет, и сего́ возно́сит. Я́ко ча́ша в руце́ Госпо́дни, вина́ нерастворе́на, испо́лнь растворе́ния, и уклони́ от сея́ в сию́: оба́че дро́ждие Его́ не истощи́ся, испию́т вси́ гре́шнии земли́. А́з же возра́дуюся в ве́к, воспою́ Бо́гу Иа́ковлю: и вся́ ро́ги гре́шных сломлю́, и вознесе́тся ро́г пра́веднаго.