Да покаются жестокосердные правители и да умягчатся сердца их, и да перестанут мучить народ. Псалом 51

Псалом 51

Что́ хва́лишися во зло́бе, си́льне? Беззако́ние ве́сь де́нь. Непра́вду умы́сли язы́к тво́й, я́ко бри́тву изощре́ну сотвори́л еси́ ле́сть. Возлюби́л еси́ зло́бу па́че благосты́ни, непра́вду не́же глаго́лати пра́вду. Возлюби́л еси́ вся́ глаго́лы пото́пныя, язы́к льсти́в. Сего́ ра́ди Бо́г разруши́т тя́ до конца́, восто́ргнет тя́, и пресели́т тя́ от селе́ния твоего́ и ко́рень тво́й от земли́ живы́х. У́зрят пра́веднии и убоя́тся, и о не́м возсмею́тся и реку́т: се́ челове́к, и́же не положи́ Бо́га помо́щника себе́, но упова́ на мно́жество бога́тства своего́, и возмо́же суето́ю свое́ю. А́з же я́ко ма́слина плодови́та в дому́ Бо́жии, упова́х на ми́лость Бо́жию во ве́к и в ве́к ве́ка. Испове́мся Тебе́ во ве́к, я́ко сотвори́л еси́, и терплю́ и́мя Твое́, я́ко бла́го пред преподо́бными Твои́ми.