Жестокосердным супругам, что препираются и разводятся (когда жестокосердный муж или жена терзают супругу или супруга). Псалом 10

Псалом 10

На Го́спода упова́х, ка́ко рече́те души́ мое́й: превита́й по гора́м, я́ко пти́ца? Я́ко се́, гре́шницы наляко́ша лу́к, угото́ваша стре́лы в ту́ле, состреля́ти во мра́це пра́выя се́рдцем. Зане́ я́же Ты́ соверши́л еси́, они́ разруши́ша, пра́ведник же что́ сотвори́? Госпо́дь во хра́ме святе́м Свое́м. Госпо́дь, на небеси́ престо́л Его́, о́чи Его́ на ни́щаго призира́ете, ве́жди Его́ испыта́ете сы́ны челове́ческия. Госпо́дь испыта́ет пра́веднаго и нечести́ваго, любя́й же непра́вду ненави́дит свою́ ду́шу. Одожди́т на гре́шники се́ти, о́гнь и жу́пел, и ду́х бу́рен ча́сть ча́ши и́х. Я́ко пра́веден Госпо́дь, и пра́вды возлюби́, правоты́ ви́де лице́ Его́.