Шрифт

Молитвы святым

Молитва преподобному Диодору,
Юрьегорскому чудотворцу

О преподобне и достоблаженне Диодоре, отче наш! Помози нам, рабам Божиим (имена), путь жития спасительно шествовати: просвети омраченныя души наша зарею богодарованныя ти благодати, отжени страсти, ослаби от греховных вериг, избави нас от належащия скорби и от всякаго зла и спасение даруй нам, да всецело зовем ти спасаемии: радуйся, преподобне Диодоре, отче наш; радуйся, крепкий адаманте и страшный бесом прогонителю и победителю; радуйся, приходу (дому) нашему, светлая доброто. Сподоби убо и нас всякия радости и Небеснаго Царствия быти причастники, ныне и присно, и во веки веков.