28 октября.

Канон святым Новомученикам и Исповедникам Белорусским

Молитвы предначинательные

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй, 12,

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Тропарь, глас 5:

Соборе новомучеников и исповедников наших/ веру добре сохранивше / в терпениих, бедах и напастех яко столпи непоколебимыя устоясте / молите о нас веру непоколеблему соблюсти / и спастися душам нашим.

Кондак, глас 3:

Священномученицы земле нашея / в тяжких испытаниях победы знамя пронесосте / и венцы неувядаемии приясте./ Богу угодивше / о нас Христа молите да спасет души наша.

Величание

Величаем Вас священномученицы и исповедницы Христовы / и чтим святую память вашу / вы бо молите за нас Христа Бога нашего.

Канон глас 6:

Песнь 1-я:

Ирмос: Я́ко по су́ху пешеше́ствовав Изра́иль, / по бе́здне стопа́ми, / гони́теля фарао́на / ви́дя потопля́ема, / Бо́гу побе́дную песнь / пои́м, вопия́ше.

Припев: Святии новомученицы и исповедники земли Белорусския, молите Бога о нас!

Закон Божий зело возлюбив, добре его преподал слепым детем, укрепляя в них дух бодрости и смирения, отче Владимире, моли и за нас в терпении пронести все напасти мира сего.

Припев: Святии новомученицы и исповедники земли Белорусския, молите Бога о нас!

Истины веры Православныя даяй учеником духовныя школы яко знамя победное пронесл еси их чрез свое житие, священномучениче Василие.

Сла́ва Отцу́ и Сы́ну и Свято́му Ду́ху:

Приняв священный сан в годину тяжких испытаний, и за него от гонителей смерть, яко Иов мудре устоял во искушениях, отче Петре, священномучениче.

И ны́не и при́сно и во ве́ки веко́в. Ами́нь.

Богородичен:

Милостива быти верным и благоуветлива,/ Богомати, умоли Слова,/ Егоже родила еси телесно, к нам пришедшаго:/ Тя бо Предстательницу и спасение стяжахом.

Песнь 3-я:

Ирмос: Несть свят, / я́коже Ты, Го́споди Бо́же мой, / вознесы́й рог ве́рных Твои́х, Бла́же, / и утверди́вый нас на ка́мени / испове́дания Твоего́.

Припев: Святии новомученицы и исповедники земли Белорусския, молите Бога о нас!

В вере укрепляя паству свою, отче Валериане, заповеди Христовы соблюл еси даже до смерти.

Припев: Святии новомученицы и исповедники земли Белорусския, молите Бога о нас!

Без боязни встал еси на защиту веру Православныя, священне Владимире, не убоявся сильных мира сего, глаголал еси истину Божию даже до крови.

Сла́ва Отцу́ и Сы́ну и Свято́му Ду́ху:

Искренне служа Богу, священномучениче Иоанне, веру соблюл еси, неповинно прияв смерть от нечестивых.

И ны́не и при́сно и во ве́ки веко́в. Ами́нь.

Богородичен:

Песньми Пресвятую, вернии, Марию похвалим,/ Богоматерь обрадованную,/ покров Божественный, тихое пристанище,/ всех верных Предстательницу.

Песнь 4-я:

Ирмос: Христо́с моя́ си́ла, / Бог и Госпо́дь, честна́я Це́рковь / боголе́пно пое́т, взыва́ющи / от смы́сла чи́ста, о Го́споде пра́зднующи.

Припев: Святии новомученицы и исповедники земли Белорусския, молите Бога о нас!

Неленостно служа Господеви, ревностно окормлял еси паству свою, отче Сергие, и мученически почил еси в Бозе.

Припев: Святии новомученицы и исповедники земли Белорусския, молите Бога о нас!

Видя врага лютаго ополчившагося на Церковь Православную истово призывал еси свою паству к покаянию и обрел еси покой в чертозех небесных.

Сла́ва Отцу́ и Сы́ну и Свято́му Ду́ху:

Подобяся мученику Лукиану, израненный от иудея, свою последнюю Божественную Литургию совершил еси лежаще у Престола в Светлое Христово Воскресение и обрел еси покой в Царствии Небеснем, священномучениче Михаиле.

И ны́не и при́сно и во ве́ки веко́в. Ами́нь.

Богородичен:

Умерщвлена мя древле, к жизни, Пречистая, паки возвела еси,/ едина Ипостасную Жизнь рождшая,/ Ейже приразившися, расторжеся яве врождебнейшая смерть.

Пе́снь 5

Ирмос: Бо́жиим / све́том Твои́м, Бла́же, / у́тренюющих Ти ду́ши / любо́вию озари́, молю́ся, / Тя ве́дети, Сло́ве Бо́жий, / и́стиннаго Бо́га, / от мра́ка грехо́внаго взыва́юща.

Припев: Святии новомученицы и исповедники земли Белорусския, молите Бога о нас!

Подобяся пастырю доброму положил еси душу свою за овцы пожити своея, отче Порфирие, моли о нас Господа славы, дабы мы твердо сохраняли веру Православную во все дни жизни нашея.

Припев: Святии новомученицы и исповедники земли Белорусския, молите Бога о нас!

Ангельским чином облекся, не убоялся еси обличити безбожную власть, отче диаконе Николае, темже сном праведным уснув, быв убиен.

Сла́ва Отцу́ и Сы́ну и Свято́му Ду́ху:

С молитвою на устах приял еси смерть от безбожных, отче Михаиле, ревностно служа Богу, и ближним и мирно упокоился еси с праведными в лоне Авраамове.

И ны́не и при́сно и во ве́ки веко́в. Ами́нь.

Богородичен:

Возсияла еси Богомати, яко утро,/ Солнце незаходимое, соединеное плотию, по Ипостаси,/ на руку носящи, Истинныя Правды:/ тем Тя вси прославляем.

Песнь 6-я:

Ирмос: Жите́йское мо́ре, / воздвиза́емое зря напа́стей бу́рею, / к ти́хому приста́нищу Твоему́ прите́к, вопию́ Ти: / возведи́ от тли живо́т мой, / Многоми́лостиве.

Припев: Святии новомученицы и исповедники земли Белорусския, молите Бога о нас!

Смело и решительно пред всеми людьми исповедав веру во Христа Иисуса, мученически почил еси в Бозе, священномучениче Николае.

Припев: Святии новомученицы и исповедники земли Белорусския, молите Бога о нас!

Ревностно служа на слуцких землях призывал еси небоязненно исповедати веру во Спасителя, и мужественно встретил смерть, отче Иоанне.

Сла́ва Отцу́ и Сы́ну и Свято́му Ду́ху:

Верно служа Богу на минских и тверских землях кровию своею запечатлел еси пастырское служение, священномучениче Димитрие.

И ны́не и при́сно и во ве́ки веко́в. Ами́нь.

Богородичен:

Душ очищение и спасение Ходатаица еси,/ верою Тя и любовию, Божию Матерь, возвещающим/ и Сыну Твоему согласно зовущим:/ благословен еси, Боже отец наших.

Песнь 7-я:

Ирмос: Росода́тельну у́бо пещь / соде́ла А́нгел / преподо́бным отроко́м, / халде́и же опаля́ющее / веле́ние Бо́жие, / мучи́теля увеща́ вопи́ти: / благослове́н еси́, Бо́же оте́ц на́ших.

Припев: Святии новомученицы и исповедники земли Белорусския, молите Бога о нас!

Духовно окормляя измученныя войною люди и воины, несл еси живое, вдохновенное слово пастыря церкви Христовой и мученически пострадал еси за веру, отче Иоанне.

Припев: Святии новомученицы и исповедники земли Белорусския, молите Бога о нас!

Претерпевая страдания, не отреклся еси от веры Христовой, отче Леониде, сохранив верность Господеви даже до смерти.

Сла́ва Отцу́ и Сы́ну и Свято́му Ду́ху:

Заботлив пастырь и усерден молитвенник явился еси, отче Александре, и за веру Христову убиен бысть.

И ны́не и при́сно и во ве́ки веко́в. Ами́нь.

Богородичен:

Моли присно Сына Твоего и Бога нашего,/ Неискусобрачная Марие Чистая,/ низпослати нам верным милость.

Песнь 8-я:

Ирмос: Из пла́мене преподо́бным ро́су источи́л еси́ / и пра́веднаго же́ртву водо́ю попали́л еси́: / вся бо твори́ши, Христе́, то́кмо е́же хоте́ти. / Тя превозно́сим во вся ве́ки.

Припев: Святии новомученицы и исповедники земли Белорусския, молите Бога о нас!

Мужественно сохраняя веру православную, истово окормляя паству свою, священномучениче Владимире, совесть сохранил еси целу и неповрежденну и принял смерть от безбожных.

Припев: Святии новомученицы и исповедники земли Белорусския, молите Бога о нас!

В житиях святых навыкл еси ревности Божией, отче Димитрие, еюже возшел еси в селения райская.

Сла́ва Отцу́ и Сы́ну и Свято́му Ду́ху:

Единолично духовно окормляя копыльскую землю, претерпев надругания и насмешки, веру соблюл еси, не убоявся мучителей беззаконных.

И ны́не и при́сно и во ве́ки веко́в. Ами́нь.

Богородичен:

Безсеменно зачала еси, Богоневесто, Спаса и Господа,/ избавлющаго ны от тли,/ Тя воистинну песнословящия.

Песнь 9-я:

Ирмос: Бо́га / челове́ком невозмо́жно ви́дети, / на Него́же не сме́ют чи́ни А́нгельстии взира́ти; / Тобо́ю же, Всечи́стая, яви́ся челове́ком / Сло́во Воплоще́нно, / Его́же велича́юще, / с небе́сными во́и Тя ублажа́ем.

Припев: Святии новомученицы и исповедники земли Белорусския, молите Бога о нас!

Первым летописцем страданий духовенства в годы большевитского лихолетья явился еси, отче архимандрите Серафиме, и сам положил еси живот свой за веру и други своя.

Припев: Святии новомученицы и исповедники земли Белорусския, молите Бога о нас!

Издетства испытав крайнюю тяготу нищеты, став пастырем, ревностно служил еси приходящим к тебе, отче Матфее, и мученически упокоился еси.

Сла́ва Отцу́ и Сы́ну и Свято́му Ду́ху:

Священномученицы Белорусския, земли молите Троицу Святую, о нас на земли сущих, дабы и мы во всех кознех диавола и мира сего сохранили ревность о Бозе во вся дни жития нашего.

И ны́не и при́сно и во ве́ки веко́в. Ами́нь.

Богородичен:

Бога, егоже родила еси, Чистая Дево, Сего умоли, рабом Твоим даровати согрешений прощения и противных избавление.

Молитва

К вам, о святи́и новомученицы и исповедники земли Белорусския, я́ко путево́дным свети́льникам, дея́ньми свои́ми освети́вшим путь Небе́снаго восхо́да, аз многогре́шный смире́нно коле́на се́рдца моего́ преклоня́ю и из глубины́ души́ взыва́ю: умоли́те о мне Человеколю́бца Бо́га, да не попу́стит ми еще́ блужда́ти по распу́тиям греха́, но да просвети́т мои́ ум и се́рдце све́том благода́ти Своея́, я́ко да то́ю озаря́ем и подкрепля́ем, возмогу́ про́чее вре́мя земна́го жития́ пра́вою стезе́ю непреткнове́нно преити́ и хода́тайством ва́шим к Преблаго́му Го́споду сподо́блюся, поне́ вма́ле прича́стник бы́ти духо́вныя ва́шея трапе́зы в Небе́сном черто́зе Царя́ сла́вы. Ему́же со Безнача́льным Его́ Отце́м и Пресвяты́м, Благи́м и Животворя́щим Ду́хом бу́ди сла́ва, честь и поклоне́ние во ве́ки веко́в. Ами́нь.