7 мая

Канон преподобной Елисавете чудотворице, игумении Константинопольской

Молитвы предначинательные

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй, 12,

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Тропарь, глас 8:

Добродетельми украсившеся, всехвальная, и богобоязнством предивная всех явися, нищим сокровище, богатство на Небесех восприимше, чтущих поминай нас, праведным слава.

Канон, глас 8

Песнь 1

Ирмос: Во́ду проше́д, я́ко су́шу, и еги́петскаго зла избежа́в, изра́ильтянин вопия́ше: Изба́вителю и Бо́гу на́шему пои́м.

Припев: Преподобная мати Елисавето, моли́ Бо́га о нас.

Страстными мя бурями всепобедно объята, волнами мыслей, душею пореваема, на тихо пристанище божественныя воли, молитвами управи, да воспою тя, Елисавето.

Припев: Преподобная мати Елисавето, моли́ Бо́га о нас.

Девственными дары сияеши, богоблаженная, честно Словеси невеста бысть духом, измлада поношением, Того жизненным стопам последовавши, крест свой на рамо носяще.

Сла́ва Отцу́ и Сы́ну и Свято́му Ду́ху:

Огненную сласть в телеси росою погаси пощения труд, темже ти возсия безстрастное солнце, милость цельбы даровав духовных, незаходяща светлососудне.

И ны́не и при́сно и во ве́ки веко́в. Ами́нь.

Богородичен: Тебе, рождшую, Пречистая, Нераздельное Бога Отца Слово, чистою совестию любящи, изящная Елисавета бысть Духа Святаго сосуд, добродетельми сияющи.

Песнь 3

Ирмос: Небе́снаго кру́га Верхотво́рче Го́споди, и Це́ркве Зижди́телю, Ты мене́ утверди́ в лю́бви Твое́й, жела́ний кра́ю, ве́рных утвержде́ние, еди́не Человеколю́бче.

Припев: Преподобная мати Елисавето, моли́ Бо́га о нас.

В небесный чертог светло вселися, невеста бывша Творцу избранна, дево, исцеления реки источавши, страстна течения изсушающии.

Сла́ва Отцу́ и Сы́ну и Свято́му Ду́ху:

Илие ревнующе и Моисеови, дево, многи дни, якоже и она, в посте пребысть, хлеб небесный, ведение мудрственных, ведуще благодатию Духа Божия.

И ны́не и при́сно и во ве́ки веко́в. Ами́нь.

Очи сердечнии на Небеса имущи, три лета очию своею не возведе, восследующе отеческия заповеди, Духом Святым правяще тя.

Седален, глас 3.

Труды понесе воздержания, дар приятен безстрастия и цельбы, Елисавето богодуховная, исцелевати человеком недуги и отгонити нечистыя, достославная, Христу Богу молися о нас даровати нам велию милость.

Песнь 4

Ирмос: Ты моя́ кре́пость, Го́споди, / Ты моя́ и си́ла, / Ты мой Бог, Ты мое́ ра́дование, / не оста́вль не́дра О́тча / и на́шу нищету́ посети́в. / Тем с проро́ком Авваку́мом зову́ Ти: / си́ле Твое́й сла́ва, Человеколю́бче.

Припев: Преподобная мати Елисавето, моли́ Бо́га о нас.

Змия лютого умертвила еси молитвами, прежде свержавши лукаваго все козни Божиею силою, и того на пищу предав зверем, Елисавето, и всяком и птицам, всех Владыку прославляющи.

Припев: Преподобная мати Елисавето, моли́ Бо́га о нас.

Видения божественнаго достойна бысть, Елисавето, внутрь бо служащи чистителю свет о нем виде и благодать Духа Невещественного, Того бо светяще нань, паче же твоя света чувственная и богодуховная.

Сла́ва Отцу́ и Сы́ну и Свято́му Ду́ху:

Винограда лоза бысть и Сильного, Елисавето, вседневне носящи духовно добродетели милость, исцеления и умиления каплющи, имже ныне веселишися, верно чтущая равно ангелом житие.

И ны́не и при́сно и во ве́ки веко́в. Ами́нь.

Богородичен: Бога Едина носящи во чреве Твоем, Яже бытие всем подает, Егоже возлюби и Тому обручишася Елисавето богодуховно, Пречистая Богородице, ангелом чудо, бесом врежение, Препетая.

Пе́снь 5

Ирмос: Вску́ю мя отри́нул еси́ / от лица́ Твоего́, Све́те незаходи́мый, / и покры́ла мя есть чужда́я тьма, окая́ннаго? / Но обрати́ мя и к све́ту за́поведей Твои́х / пути́ моя́ напра́ви, молю́ся.

Припев: Преподобная мати Елисавето, моли́ Бо́га о нас.

Иссуши течения греховная лиянии слезными и крови устави многолестное течение говением, оным пришедшим ти, Елисавето преподобная и прехвальная.

Припев: Преподобная мати Елисавето, моли́ Бо́га о нас.

На многая времена хлеба отвержеся ясти, славная, пощения труды душу благочестно чистящи, бесплотное во плотных подражающи, Елисавето богоневестная.

Сла́ва Отцу́ и Сы́ну и Свято́му Ду́ху:

Красными ти пятама Еву прельстившаго врага попра, недавши има покрыватися обувением, не терпящи злострадания постническа, Елисавето, девам похвала.

И ны́не и при́сно и во ве́ки веко́в. Ами́нь.

Богородичен: Вышша бысть сил вышних, Слово порождши, Пречистая, Отцу, Богородице, Безначальна и Соприсносущна, Егоже всем просвещьшися, Елисавето, похотей кроме тьму отгна.

Песнь 6

Ирмос: Очи́сти мя, Спа́се, / мно́га бо беззако́ния моя́, / и из глубины́ зол возведи́, молю́ся: / к Тебе́ бо возопи́х, и услы́ши мя, / Бо́же спасе́ния моего́.

Припев: Преподобная мати Елисавето, моли́ Бо́га о нас.

Милостыню Божию постнически восприяти возжелевши, дево, маслина вкушения измлада уклонися, умастишася болезни и труды прилежании.

Припев: Преподобная мати Елисавето, моли́ Бо́га о нас.

Житие светло, добродетельми удобрися, умертвие священно и чудесы сияя, бесы прогоняя и зиму страсти, и благодатию греет вся ны.

Сла́ва Отцу́ и Сы́ну и Свято́му Ду́ху:

Священней ти души преставльши к Богу, видена бысть светла, хлевину просвещая и предстоящая ти честному телеси, Елисавето богоневестная.

И ны́не и при́сно и во ве́ки веко́в. Ами́нь.

Богородичен: Зачав, Пречистая, во чреве Предвечнаго и породи, во плоти родом Бесплотна и млеком воздои Питателя миру, Богородице Непосаженная.

Кондак, глас 6:

Истинне изрядне слово жизни стяжете, церковь свою, праведныя не усомнився высоты, богонаказатели, Богу угодивши, тем паче естества поитеся; сего ради зовем ти: радуйся, Елисавето премудрая.

Песнь 7

Ирмос: Бо́жия снизхожде́ния / огнь устыде́ся в Вавило́не иногда́, / сего́ ра́ди о́троцы в пещи́, ра́дованною ного́ю, / я́ко во цве́тнице, лику́юще, поя́ху: / благослове́н еси́, Бо́же оте́ц на́ших.

Припев: Преподобная мати Елисавето, моли́ Бо́га о нас.

Мысль боголюбия прия, с плотию ангелы подражающи, бдящи усердно, поющи прилежно: Благословен еси, Бог отец наших.

Припев: Преподобная мати Елисавето, моли́ Бо́га о нас.

Руку простри милующи, дающи суху руку имущему исцеление, к мощем пришедшу, черноризцам утверждение, Елисавето богоносная.

Сла́ва Отцу́ и Сы́ну и Свято́му Ду́ху:

Персть едина вземлема, точию прикосновением мощей освященная, верным страсть отгонит поющим, Господи Боже, благословен еси.

И ны́не и при́сно и во ве́ки веко́в. Ами́нь.

Богородичен: Виждь печаль мою Дево, юже ми нанесе множество грех, и геены мя огня исторгни вопиюща: Благословен Плод, Пречистая, Твоего чрева.

Песнь 8

Ирмос: Седмери́цею пещь / халде́йский мучи́тель / богочести́вым неи́стовно разжже́, / си́лою же лу́чшею спасе́ны сия́ ви́дев, / Творцу́ и Изба́вителю вопия́ше: / о́троцы, благослови́те, / свяще́нницы, воспо́йте, / лю́дие, превозноси́те во вся ве́ки.

Припев: Преподобная мати Елисавето, моли́ Бо́га о нас.

К раце приступающе мощей твоих, всегда все прошения верою приемлют, Богу тя величающу, Приимшу тя честныя труды, Емуже вопиеши: священники пойте, люди превозносите Его во веки.

Припев: Преподобная мати Елисавето, моли́ Бо́га о нас.

Сердца моего очима свет дарова Духом верою пришедшу к твоей раце и видети сотвори, от Бога богатное целебными дары обогащенна блаженно, к Нему же поеши: священники пойте, людие превозносите Его во веки.

Сла́ва Отцу́ и Сы́ну и Свято́му Ду́ху:

Души моея светило маслом просвещающи милостями; тем в чертог доиде на небеса, славная, с Женихом своим ся радуеши купно, мудрым девам поюще, Елисавето: дети, благословите, людие превозносите Его во веки.

И ны́не и при́сно и во ве́ки веко́в. Ами́нь.

Богородичен: Древом снедным бывше спадены истиннаго Христа Бога нашего, Егоже едина порождеши Богородице Пречистая, исцеленни паки в вечную жизнь вводиши поюща: дети благословите, людие превозносите Его во веки.

Песнь 9

Ирмос: Ужасе́ся о сем Не́бо, / и земли́ удиви́шася концы́, / я́ко Бог яви́ся челове́ком пло́тски / и чре́во Твое́ бысть простра́ннейшее Небе́с. / Тем Тя, Богоро́дицу, / А́нгелов и челове́к чинонача́лия велича́ют.

Припев: Преподобная мати Елисавето, моли́ Бо́га о нас.

Насладися доброты Жениховы пречистыя желающи: Где живеши? Где же пасеши? тепле вопияше, да почию аз у Тебе и Твоея чести наслаждуся, Тебе возвеличаю Твою благостыню.

Припев: Преподобная мати Елисавето, моли́ Бо́га о нас.

Чудо, како по смерти, долзе во гробе положено, без вреда доселе лежати тело твое видимо есть и благодатию просвещено, знамении и чудесы, и исцелении струя верным всегда подавая.

Сла́ва Отцу́ и Сы́ну и Свято́му Ду́ху:

Разумение имеши в души и смерение же с кротостию, веру немутну, с надеждею любовь Божию, в молитвах обнищанах Богу внимающи, и озарении Того, Елисавето, просвети светло.

И ны́не и при́сно и во ве́ки веко́в. Ами́нь.

Богородичен: Просвети мя Рождшийся Иисусе, Рождешую Тя сохран без тля по рождестве, егда сядеши судити дела моя, беззакония призри моя и грехи моя многия, яко Безгрешен и Милостив Боже Человеколюбец.

Молитва

О пречудная мати наша, великая угоднице Божия Елисавето! Леностию и иными страстьми побеждаемии, недостойны есмы возносити молитвы тебе, вся тяготы монашескаго подвига понесшей и души своея ради возлюбленнаго тобою Христа не пощадевшей. Но како востанем со одра болезни без врача, или уразумеем премудрость без учителя? Сего ради припадаем к тебе, наставнице нашей и чудотворице, и молим: исцели нас от страстей, отверзи очи наша сердечныя, да возненавидим грех, живущий в нас, и омывше душу слезами покаяния, всем сердцем Спасителя нашего Господа Иисуса Христа возлюбим и Ему, отвергшеся себе, поработаем. Молим тя и о ближних наших: болящих исцели, в бедах и обстоянии сущих защити, неплодным женам радость о чадех даруй, юных от прельщений мира сего покрый, и вся ны на спасительныя стези направи, да сподобимся в небесных обителех непрестанно славити Всесвятую Троицу во веки веков. Аминь.