Акафист второй преподобноисповеднице Параскеве (Матиешиной), Спасо-Влахернской

Молитвы предначинательные

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй, 12,

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Кондак 1

Избранная чудотворице, и изрядная угодница Бога Вышняго, ублажаем твое о нас дерзновенное предстательство ко благосердию Владыки, Господа Бога нашего, освяти нас божественною благодатию, нелицемерно тебе вопиющих: Радуйся, преподобноисповеднице Параскево, невесто Христова преизрядная.

Икос 1

Дивную тя свою избранницу яви Господь, егда во младых летах навыкнула еси к воздержанию постному, и благодатному время провождению в прилежании чтения Священнаго Писания и житий угодников Божиих. Сего ради мы, дивящеся твоему рачению о плодах духовных, вопием ти сице:

Радуйся, правило, постников вразумляющее.

Радуйся, секиро, в младенчестве грехи попирающая.

Радуйся, монашеству с юных лет прилежавшая.

Радуйcя, светильница трисолнечная, отверзающая спасения дверь.

Радуйся, послушания наставительница и всем верным матерь.

Радуйся, ревнительница благочестия.

Радуйся, лозо, на нем же совершися трапеза христова.

Радуйся, преподобноисповеднице Параскево, невесто Христова преизрядная.

Кондак 2

Облиста тя, златозарную звезду Вседержитель, егда в отрочестве познала еси грамоты спасительную силу, и воспевала еси Богу хвалебные величания. Мы же, последуя твоему ревнованию, вопием вкупе с тобою Владыке мира: Аллилуиа.

Икос 2

Достохвальную служительницу свою, прослави тя Христос Бог наш, егда по достижении восьми лет от роду, помышляла еси, како угодити Создателю мира, и прилежно соблюдавши вси законы жизни вечныя, достигла еси наслаждения благ вечных. Мы же, дивящеся таковому твоему избранию, прилежно вопием ти сице:

Радуйся, законов божественных хранительнице.

Радуйся, со духами злобы мира сего воительнице.

Радуйся, блага земныя не во что же вменившая.

Радуйся, в сердце своем семя веры воспитавшая.

Радуйся, росодательная купино, наполняющая верных.

Радуйся, сокрушительнице сетей демонских.

Радуйся, Православия издетска непорочная носительнице.

Радуйся, аки Павлу, сосуде Христу избранный.

Радуйся, херувимов ликования гласе препрославленный.

Радуйся, преподобноисповеднице Параскево, невесто Христова преизрядная.

Кондак 3

Стойкою верою запечатлела еси себя, блаженная мати Параскево, егда тя, бабушка, тщавшая даровати ти земныя радости, подобра жениха благочестиваго, но ты, обратив его ко служению Зиждителю душ наших, руководила его ко спасению на святей горе Афонстей. Мы же, вразумлении твоим стоянием за повеления Божии, взываем Ему: Аллилуиа.

Икос 3

Промысел Божественный видев, во смирении твоем, мати Параскево, бабушка твоя благослови тя в следовании стопами иноческаго делания. Ты же, изнурявше твое тело пощением и лишениями многоразличными, сподобилася еси зрети пречистую Богородицу Марию, Она еже указа обитель, в ней же надлежит ти подвизаться в прославление имени Христова. Мы же, дивящеся твоему нелицемерию вопием ти сице:

Радуйся, избранница явилась еси досточудная Богородицы.

Радуйся, Еюже направленная на путь иноческий.

Радуйся, щедро обителям святым благотворившая.

Радуйся, сокровище духовное в жизни наследившая.

Радуйся, свечо, светящая заблудшим во тьме греховней.

Радуйся, молние, пронзающая души, находящиися во власти злобней.

Радуйся, служительнице повелений божественных.

Радуйся, свиреле, возглашающая сладость глаголов вечных.

Радуйся, преподобноисповеднице Параскево, невесто Христова преизрядная.

Кондак 4

Знамение пречудное дарова ти, мати Параскево, пресвятая Владычица, егда в Теолинской обители не обнаружила еси чудотворныя иконы Ея, и стопы своя направила еси во пределы Турковичския женския общины. Егда ступила еси на порог храма обители сия, узрела образ, како видела в соннем видении и стала еси подвизатися тамо, поя Богу: Аллилуиа.

Икос 4

Предзнаменование достохвальное, дарова ти Господь, егда по занятии земли польския немцами, направилася еси в пределы московския, в селение Подлипичье, тамо бо с тобою вкупе подвизалися сестры обители Турковичския. Мы же, дивящеся таковому послушанию твоему воли небесней, прилежно вопием ти сице:

Радуйся, преславная ученице Христова.

Радуйся, страннице по земли, взыскавшая отечество небесное.

Радуйся, милостивая страждущих напоительнице.

Радуйся, миссионерства богодуховенная устроительнице.

Радуйся, обетам монашеския жизни без остатка посвятившая.

Радуйся, ангеле, во плоти благодать неземную носившая.

Радуйся, девственнице, душу за христа с похотьми распявшая.

Радуйся, преподобноисповеднице Параскево, невесто Христова преизрядная.

Кондак 5

Преславному Судии Всемилостивому, угодно бысть, егда один крестьянин, упроси тя, блаженная мати Параскево, даровати знания пения ангельскаго небеснаго, дщери своей. И по слову евангельскому, собра посреди себя стадо верных чад, жаждуих общения Божественнаго. Мы же, дивящеся твоим дарованиям достохвальным, вопием Всевышнему: Аллилуиа.

Икос 5

Произволением небесным, посла ти, мати Параскево, Господь отца духовнаго, епископа богоспасаемого града Дмитрова Серафима, его же молитвами сподобилася еси пети хвалебныя песни Господу Всевышнему. Мы же, озареннии твоим светом благочестиваго жития, усердно вопием ти сице:

Радуйся, учениц своих преславная воспитательнице и духовная мати.

Радуйся, священномученика Серафима предивное чадо.

Радуйся, песнопений божественных преизобильное забрало.

Радуйся, милосердия учительнице.

Радуйся, аки Ной, ко спасению дивная руководительнице.

Радуйся, аки Иезекииль, свиток со стонами и лишениями вкусившая.

Радуйся, аки самаряныни Фотиния, душу свою проповедью истины напитавшая.

Радуйся, беззакония от лица земли отгнавшая.

Радуйся, бессмертие свое послушанием Богу стяжавшая.

Радуйся, преподобноисповденице параскево, невесто христова преизрядная.

Кондак 6

Егда, узрев твое духовное совершенствование, блаженная и преподобная мати Параскево, епископ Серафим посвяти тя во иноцех Параскевою, послав тя на подвиг во обитель Спасо-Влахернскую, юже наименова во имя рождества Пресвятыя Богородицы. Мы же, зряще твое возхождение ко спасению Божиему, вопием дерзновенно Ему: Аллилуиа.

Икос 6

Дивное рачение твое об обучении церковному пению имея, мати Параскево, вселившися во обитель Спасо-Влахернскую, крестьяне желавше, абие возвратить вспять тя, дивную подвижницу Христову, написаше прошение епископу Серафиму о твоем певческом послушании. Мы же, дивящеся смиренномудрию твоему, вопием ти сице:

Радуйся, трубо иерихонская, благовествующая нам спасение.

Радуйся, милости тезоименитая, являющая заступление нуждающимся.

Радуйся, яко твоею святостию всякий грех низлагается.

Радуйся, яко тобою хвалятся чины ангельстии.

Радуйся, яко тобою сподобляемся безконечныя небесныя радости.

Радуйся, преподобноисповеднице Параскево, невесто Христова преизрядная.

Кондак 7

Возвеселися же небо, егда, уразумеша твою духовную зрелость, священномучеником Серафимом, духовным отцом твоим, посвящена была еси, блаженная и преподобная мати Параскево, чином диакониссы. Мы же, промышляя ты достойную сего избрания, воспеваем хвалебно Богу: Аллилуиа.

Икос 7

Видя тя, нелицеприятную служительницу Господню, власти безбожныя повеле ти, мати Параскево, прекратить свою неусыпную службу, во взращивании даров Пресвятаго Духа Божиего в душах учениц Своих. Ты же, ревнуя о Бозе, воспротивися прещениям вражиим. Мы же, дивящеся твоей стойкости в попечении о любящих тя, воспеваем хвалебно тебе сице:

Радуйся, сотаинница божественнаго воплощения.

Радуйся, защитнице духовнаго мудрования.

Радуйся, ноже, разрубающее тернии похоти.

Радуйся, скрижали нетленныя, заповедям Божиим вернии.

Радуйся, наследнице небеснаго царствия.

Радуйся, животворящим крестом льстивость испровергающая.

Радуйся, госпожа к разумению нелицемерному писания.

Радуйся, вино, обновляющая мехи ветхия.

Радуйся, кимвале, открывающая наслаждения райския.

Радуйся, преподобноисповеднице Параскево, невесто Христова преизрядная.

Кондак 8

Служение свое преславно совершала еси, егда не послушав силы злобы безбожной, не оставила еси тщанием своим воспитанниц своих, уча их ходити пред Господом со страхом велиим и дерзновением несокрушимем. Мы же, прославляя твое стремление к воспитанию малой Церкви Христовой из учениц своих, воспеваем Богу: Аллилуиа.

Икос 8

Егда приспе закрытие дома твоего втораго, Спасо-Влахернския обители, мати Параскево, готовилася еси прияти подвиг мученичества, памятуя наставление отца своего духовнаго: "Параскева - пятницу страданий Христовых помни"... Мы же, дивящеся таковому твоему на Бога упованию, вопием ти хвалебно сице:

Радуйся, великомученице Параскеве тезоименитая, добровольно себя на заклание повергающая.

Радуйся, раба Христова, мужеством верным блистающая.

Радуйся, завет священномученика Серафима до конца восприявшая.

Радуйся, голубица, душу свою Всевышнему всецело отдавшая.

Радуйся, ветви пальмовая, кровью мученическою освященная.

Радуйся, аки апостолы, ближних своих во спасения сети уловившая.

Радуйся, аки смирно, страданием своим Господу тело умастившая.

Радуйся, исповедничеством, аки бисером, возвеличенная.

Радуйся, преподобноисповеднице Параскево, невесто Христова преизрядная.

Кондак 9

Смирением украшена ты, мати Параскево, егда по клевете диавольской, направлена была еси на ссылку во граде Алма-Ате, работая прислугой на артели рабочих, кормяще их хлебом насущным. Мы же, чудящеся твоему незлобию изобильному, вопием хвалебно Богу: Аллилуиа.

Икос 9

Промысел Божий, дивно направлявший тя, блаженная мати Параскево, соединил воедино во граде Алма-Ате с духовным отцем твоим, епископом Серафимом, наставлявшим и молитвенно питавшим тя во правде Божией трие месяцы, егда не восхотели перевести тя во град Барбинск. Мы же, зряще твою стойкость и сокрушимость в служении Богу, воспеваем ти сице:

Радуйся, ссылки и прещений безбожных не убоявшаяся.

Радуйся, глада и оков тюремных не устыдившаяся.

Радуйся, со священномучеником Серафимом бескровныя трапезы общения разделившая.

Радуйся, руно драгоценное, во страдании венец нетленный приявшая.

Радуйся, дерзновение малодушием не поправшая.

Радуйся, крепость веры в испытаниях нам показующая.

Радуйся, плодоносие бесценное дарами духа напитавшая.

Радуйся, полчища адовы от ближних своих отгнавшая.

Радуйся, преподобноисповеднице Параскево, невесто Христова преизрядная.

Кондак 10

Егда скончася заключение лютое, мати Параскево, приста тебе идти во граде Астрахань, и навыкати во благочестии Христовом у владыки Германа. Мы же, дивящеся несповедимым путям Господним, руководившими тобою, мати Параскево, воспеваем Богу: Аллилуиа.

Икос 10

Ближние твои воспитанники, мати Параскево, узнавше о недуге твоем, подъяли рвение перевести тя в Дмитров, поближе к местам, драгим сердцу твоему богобоязненному. Таможде покры тя немощь велия, и явися ти апостоли святии Петре и Павле, утешати тя, дивную избранницу Христову, и вручи ключи, дабы вторично отверзти ими храм Божий на земле Подлипичьей, духовной родине твоей, блаженная мати Параскево. Мы же, дивящеся милосердию Божиему, вопием ти хвалебно сице:

Радуйся, апостолов Петра и Павла дважды в видениях сонных приявшая.

Радуйся, смиренномудрия плоды неизреченныя стяжавшая.

Радуйся, миро, облистающее в служении божественном живущих.

Радуйся, истекающее масло, страждущих врачующее.

Радуйся, будущее, аки прошлое, око прозревающее.

Радуйся, старице дивная, плоде молитв родителей благочестивых.

Радуйся, мече, попирающая еретические познания.

Радуйся, отпадших от матери Церкви, в сени ея возвращающая.

Радуйся, преподобноисповеднице Параскево, невесто Христова преизрядная.

Кондак 11

Силы земныя отступиша от тя, мати Параскево, егда возобновилися язвы твоя многоразличныя, к сим же артите и фурункулезе обдержа тя, ты же, преисполенная Духом Божиим, смиренно взывала еси Богу: Аллилуиа.

Икос 11

Предчувствуя время отшествия своего из жизни временныя, блаженная мати Параскево, наставляла еси быти верными чадами Божиими, песньми прославляти Его имя неизреченное, отдала еси Богу чистую душу свою. Мы же, оплакивающе твое отшествие ко Господу Славы, вопием ти хвалебно сице:

Радуйся, небеснаго Иерусалима преславная насельнице.

Радуйся, уныния и помрачения бесовскаго попрательнице.

Радуйся, заре Православия, в земли русской просиявшая.

Радуйся, пленницы грехопадения людскаго упразднившая.

Радуйся, образе кротости смирения и послушания.

Радуйся, солнце правды, от Христа миру посланная.

Радуйся, нерушимая стено богопознания.

Радуйся, недугов лютых всемощная целительнице.

Радуйся, нападений вражиих не убоявшаяся.

Радуйся, душу свою храмом Святаго Духа соделавшая.

Радуйся, преподобноисповеднице Параскево, невесто Христова преизрядная.

Кондак 12

Дивный завет оставила еси, мати Параскево, людем, живущим на земли, еще глаголеши: "будьте же смиренны, Христу Господу подобны". Мы же, благодаряще тя за таковое советование нам, грешным и недостойным чадам Христовым, выну воспеваем хвалебно Ему: Аллилуиа.

Икос 12

Познавше немощи наша людския, яви Господь в утешение нам, многоцелебныя мощи нетленныя твоя, блаженная мати наша Параскево, имиже Всесвятый Дух силою целебною облиста их, дарующа всем страждущим исцеление. Мы же, дивящеся таковому прославлению твоему от Господа, вопием хвалебно тебе сице:

Радуйся, источниче Божественныя благодати.

Радуйся, исцелений различныя недуги получила дерзновение подавати.

Радуйся, злоключений непотребных имеши веси врачевати.

Радуйся, хромых по правде Божией ходити утверждение.

Радуйся, слепым в лукавстве нечистом, улучити подаеши зрение.

Радуйся, грозное обличение, творящим беззаконие.

Радуйся, всемогущее око, в истину воплощенную прелагающая ложное.

Радуйся, преподобноисповеднице Параскево, невесто Христова преизрядная.

Кондак 13

О, преподобноисповеднице мати наша Параскево, приими сие наше малое молитвенное приношение, в любви велией к тебе обращенное, сотвори милость о всех, верных Богу и чтущих с сокрушенною, покаянною душею святую память твою, сокруши рукописания грехов наших, даруй нам телесное и душевное здравие, да сподобимся во угождении Богу и делах милосердия скончати живот наш, и вкупе с тобою, великотезоименитая преподобная мати Параскево, сподоби нас пети у престола Царя Славы: Аллилуиа.

Сей конда́к глаго́лется три́жды. И па́ки чте́тся и́кос 1-й, и конда́к 1-й.

Молитва преподобноисповеднице Параскеве Спасо-Влахернстей

О, всехвальная преподобноисповеднице Параскево, кроткая Христова агнице, земли Российския цвете благоуханный, избранная, непорочная и добрая в женах.

Ты, благое иго заповедей Господних терпеливо подъемши и язвы Его преподобием носящи, любовию последовала еси Христу. Во дни же гонений на Церковь Русскую мужественне во исповедании Православныя веры пребыла еси и, житие монашеское подвигом страдания увенчавши, в чертог Небеснаго Жениха возшла еси.

Темже молим тя, славная в женах исповеднице: моли Церкви нашей в мире и благоденствии пребывати, стране же Российстей непоколебимей в Православии и мире сохранитися и всех врагов сокрушити. Верным, подвиг иночества воприимшым, во благочестии и послушании укрепитися, в ревности по Бозе не оскудевати и неропотным, бодренным и благодарным всегда быти. Нам же, любовию тя почитающым, испроси время на покаяние, твердость во исповедании веры истинныя, заступление от козней вражиих и на Страшнем Суде предстояние одесную Господа нашего Иисуса Христа. Емуже со Отцем и Святым Духом подобает всякая слава, честь и поклонение ныне и присно и во веки веков. Аминь.