Акафист преподобному Иоанну Новому Хозевиту

Молитвы предначинательные

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй, 12,

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Кондак 1

Молчания, молитвы и смирения светило пресветлое, пещер Хозевитских нового жителя, Иоанна, благочинно воспоем, подвижников новых отрасль новонасажденную и белоцвета пустыни благоуханнейшего, любовию вопиюще: Радуйся, Иоанне, отче преподобне.

Икос 1.

Ангеле во плоти, пещер Хозевитских новый жителю, достопочтенный Иоанне, егоже тело сохрани от тления Христос, се бо с небес обильно благодать приял еси, сподоби нас, грешных, прославляти тя в песнех духовных и велегласно воспевати:

Радуйся, из земли Румынской произрастающий;

радуйся, путь к безстрастию освещающий.

Радуйся, жемчуг безценный трезвения;

радуйся, воине в подвигах великий.

Радуйся, по лествице обожения в подвиге восходивший;

радуйся, в добродетели целомудрия и чистоты просиявший.

Радуйся, в пещерах пустыни смиренно проживавший;

радуйся, терпением болезней над врагом верх одержавший.

Радуйся, соловей благогласный трезвения;

радуйся, всечестное вместилище Благодати.

Радуйся, чудес многоизлиянный родник;

радуйся, сокровищница деяний благих.

Радуйся, Иоанне, отче преподобне.

Кондак 2.

Отрасль благоуханная, Иоанне блаженный, города Ботошани в земле Румынской явися, где ты процвел в добродетели, отче, и, преподобне, в любви ко Христу. Сего ради возвесели во умилении поющих: Аллилуия.

Икос 2.

Дар пустыни Хоррафской, отче Иоанне, богоносный насельник пещер, вырос ты без отца и сиротство познал, посему с детских лет тя Господь восприял, как Отец милосердный тебя опекая. Сего ради тебе вопием таковая:

Радуйся, столпе благочестия;

радуйся, слава Церкви.

Радуйся, житель пустыни божественнейший;

радуйся, насельник пещер равноангельный.

Радуйся, новосветлое сияние воздержания и молитвы;

радуйся, украшение драгоценное богоугодного жительства.

Радуйся, попечение житейское на Господа возложивый;

радуйся, пагубное попечение мирское возненавидевый.

Радуйся, страсти плотские умертвивый;

радуйся, нравы Христовы явивый.

Радуйся, сиротство претерпевший;

радуйся, безвестности вожделевший.

Радуйся, Иоанне, отче преподобне.

Кондак 3.

Древо добросердечия произрастил, Иоанне, принеся благочестия многажды плод и Христову любовь изобильно стяжав, богоносный подвижниче, преподобный, сими же ты насыщаешь всегда с верою воспевающих непрестанно: Аллилуия.

Икос 3.

Яко олень быстроногий, поспешно бегущий на источники вод, боговидный Иоанне, к ограде обители Нямецкой всей душой, отче чудный, устремился еси, в ней и постриг в Великую Схиму приял, сего ради тебе вопием таковая:

Радуйся, цветком Райским бывший;

радуйся, злобного змия поразивший.

Радуйся, пустынных земель украшение;

радуйся, добродетельных подвижников венец.

Радуйся, в драгоценное одеяние подвига облаченный;

радуйся, всякого одеяния плотскаго верою совлекшийся.

Радуйся, безстрастия достичь возжелавый;

радуйся, к обителям подвигов шествовавый.

Радуйся, светильник, Божественное возлюбивый;

радуйся, сосуде, отвергшийся суеты.

Радуйся, бальзаме добродетелей душепитательных;

радуйся, источниче дарований небесных,

Радуйся, Иоанне, отче преподобне.

Кондак 4

Мрак всего тленного, преходящего, и суетного светом покаяния и светозарного подвига твоего рассеял еси, Иоанне, сосуде избранный Духа Всесвятаго благополезный, Ему же верою вси да воспоем: Аллилуия.

Икос 4

Подвизался богоугодне в обители Нямецкой, Иоанне, и трудами твоими взошел на высоту делания добродетели, богоносный отче, подвижников образец, тебе же верно воспевал хор сподвижников твоих таковая:

Радуйся, кротости пример;

радуйся, доброты божественный дар.

Радуйся, пустынников священных веселие;

радуйся, дарований чудесных сияние.

Радуйся, арфа двуструнная о Господе жития;

радуйся, венче преподобия и добродетелей многих.

Радуйся, обители Карпатийской насельниче;

радуйся, поющих тебе скорый помощниче.

Радуйся, Ангелам славою равночестый;

радуйся, преподобных боговдохновенный соратниче.

Радуйся, целомудрия непоколебимый столп;

радуйся, поста новопрозябший кедр.

Радуйся, Иоанне, отче преподобне.

Кондак 5

Желая Святым местам благочестиво поклонитися, освященным стопами ног Христовых, покинул еси, отче, обитель свою, по благословению игумена твоего и пришел, благодати соименитый, во святый Сион, поюще: Аллилуия.

Икос 5.

После Живоносного Гроба и ужасной Голгофы, Иоанне, честныя стопы твоя благочестиво направил еси к Лавре Освященного Саввы, всечестный, и отцы ея, душе твоей дивляшеся, благогласно вопияху:

Радуйся, страстей плотских сокрушение;

радуйся, безтелесным подражание.

Радуйся, всечестный сосуде трезвения;

радуйся, от связей мирских очищение.

Радуйся, Лавры святого Саввы боговдохновенный подвижниче;

радуйся, скита Иоанна Предтечи мудрый насельниче.

Радуйся, волнений плотских обуздание;

радуйся, в угождении Господу преуспевый.

Радуйся, долины Кедронския кипарис;

радуйся, чертога небесного житель.

Радуйся, деяньми яко финикс процветший;

радуйся, в молитве всенощной стоявший.

Радуйся, Иоанне, отче преподобне.

Кондак 6

Трудами своими в течение десяти лет в Лавре Освященного Саввы, богоносный Иоанне, прожил, и потоками слез твоих, преподобне, пустыни сия безплодие освятил, прославляя Бога и поюще Ему: Аллилуия.

Икос 6

Сияющий добротой и чистотой жития, боговидный Иоанне, сподвижников твоих просветивый и предстоятеля, рукоположившего тебя, иерее преподобне, сего ради тебе всеблагоговейно вопием:

Радуйся, в нестяжание облаченный;

радуйся, светильниче жизни освященной.

Радуйся, иереев благолепие;

радуйся, отшельников дивных слава.

Радуйся, яко обитель Савваитов осветил;

радуйся, яко демонов восстания ниспроверг.

Радуйся, тьму страстей разрешивый;

радуйся, безумие врага разоривый.

Радуйся, светлый подвигов пример;

радуйся, многих иноков утверждение.

Радуйся, пустыни птица благолюбивая;

радуйся, невещественной сладости дивно вкусивый.

Радуйся, Иоанне, отче преподобне.

Кондак 7

Пребывая в любви Божественной, Иоанне, горя желанием Господа, преблаженне, в сердце смиренном твоем престол Ему соделал еси, многие годы в подвигах препровождая и в Лавре Саввы живя преподобно, и непрестанно поюще в уме: Аллилуия.

Икос 7.

Новым настоятелем скита Иоанна Предтечи на реке Иордане назначен ты был, где, богоносный отец, добре пять лет ты прожил в чистоте, Богу уста отверзая, и сего ради тебе вопием таковая:

Радуйся, ревностию равный Предтече;

радуйся, пустыни насельниче.

Радуйся, скита Крестителя игумене;

радуйся, любви Христовой оплоте.

Радуйся, благозвучная псалтирь непрестанной молитвы;

радуйся, достигнувый равноангельного жития.

Радуйся, реку Иордан освятивый;

радуйся, в недрах пустыни поживый.

Радуйся, нищеты Христовой любителю;

радуйся, злобы врага истребителю.

Радуйся, многих монахов наставниче;

радуйся, наш ко Богу ходатаю.

Радуйся, Иоанне, отче преподобне.

Кондак 8

Страннолюбиво ради Христа бедных и странников ты принимал с теплотою в сердце своем, Иоанне, неложно, и Его прославляти в песнех не преставал никогда, равноангельный отче, и благодарно Ему воспевал: Аллилуия.

Икос 8.

Преподобне Иоанне, подвижниче, с Иоанникием, послушником твоим, в долине у потока Хоррафского бурного, в пещерах на скалах крутых, всечестный, обитал, и се ныне тебе вопием благогласно:

Радуйся, соловей в пустыне запевший;

радуйся, яко цвет в злостраданьях процветший.

Радуйся, у бурного Хоррафа поживый;

радуйся, пещеру болезньми своими украсивый

Радуйся, статуя боголепная добродетелей небесных;

радуйся, цвете благоуханный браней священных.

Радуйся, старец в скиту божественном Анны святыя;

радуйся, безстрастия и рассуждения столп.

Радуйся, пустыни новосветлая звезда;

радуйся, непорочного подвига крин.

Радуйся, путь добродетели проходивший;

радуйся, веру Христову хранивший.

Радуйся, Иоанне, отче преподобне.

Кондак 9

Отче духоносный, Иоанне, насельниче пещеры Праматери Анны, деннонощными подвигами, молитвами и злостраданьми плоти демона ты, преподобне, победил, воспевая с вожделением Богу: Аллилуия.

Икос 9.

Потоками слез и потами своими, Иоанне, ты пещеру священную твою обильно оросил, где любовь ко Христу яко крин процвела, благоухая, сего ради тебе со благоговением воспоем таковая:

Радуйся, плоть поработивый;

радуйся, дух твой ожививый.

Радуйся, подвигом твоим Бога прославивый;

радуйся, мудростию своею врага постыдивый.

Радуйся, яко деяньми твоими превзошел тленная;

радуйся, яко молитвами твоими достиг небесного.

Радуйся, потами твоими горы возделавый;

радуйся, бранями твоими подвижников возвеселивый.

Радуйся, всех добродетелей обиталище;

радуйся, смиренных иноков украшение.

Радуйся, обители Хозевитския торжество;

радуйся, источника безсмертного питие.

Радуйся, Иоанне, отче преподобне.

Кондак 10

Сосуд безукоризненного жития, многоценный, Иоанне, Христу подвигом твоим, воздержниче, скоро угодил и святыя Анны честного скита подвижников возвеселил, воздвизая их непрестанно петь: Аллилуия.

Икос 10.

Чины небесных Ангелов безплотных изумились, мудре Иоанне, созерцая брани твоя и по душеполезной лествице добродетелей восхождение, всечестне, сего ради благоговейно вопием:

Радуйся, Ангелов сожителю;

радуйся, демонов разрушителю.

Радуйся, Келии Хоррафской божественный насельник;

радуйся, в бранех тяжких оплот.

Радуйся, яко по ступеням добродетелий восшедший;

радуйся, яко добротоненавистника врага постыдивший.

Радуйся, венец божественный получивший нетления;

радуйся, свет, указующий путь ко спасению.

Радуйся, Христа подвигом прославляющий;

радуйся, врага деяньми твоими сокрушающий.

Радуйся, травами дикими глад утоляющий;

Радуйся, страстей наших зной прекращающий.

Радуйся, Иоанне, отче преподобне.

Кондак 11

Песньми и мелодиями, Иоанне, благозвучными почитаем всечестную память твою, яко преселился к божественным обителям из пещеры подвигов твоих, отче преподобне. Зиждителю Господу вси да воспоем: Аллилуия.

Икос 11.

Сиянием нетления всечестных мощей твоих, Иоанне, освещаешь путь нам ясно, новая звезда обители Хозевитския, всем с верою неуклонно спешащим приложитися к ним, дивный отче, и с верою вопияти тебе таковая:

Радуйся, море исцелений;

радуйся, демонов устрашение.

Радуйся, печать дарований духовных;

радуйся, угашение злобы лукавого.

Радуйся, имущий воистину мощи нетленные;

радуйся, свет, просвещающий подвизающихся смиренно.

Радуйся, цвет благоуханный и приятный исцелений;

радуйся, семя засеянное, произрастившее чудеса.

Радуйся, славы Христовой сопричастник;

радуйся, вражеского заблуждения противник.

Радуйся, за нас в бедствиях ходатай;

радуйся, верным в житии помощник.

Радуйся, Иоанне, отче преподобне.

Кондак 12

Радуйся, восприемый благодать нетления телесе твоего, Иоанне, от Бога священную мзду, мощи честные твои, даруя здравие верным, преподобне, во умилении воспевающим: Аллилуия.

Икос 12.

Поюще, Иоанне, равноангельное житие твое в обители Хозевитской, во скиту честном Святыя Анны жительство пещерное, поклоняемся мощам твоим нетленным верно и с любовию ти вопием таковая:

Радуйся, правило подвизающихся;

радуйся, образе оправданных перед Богом.

Радуйся, Румынии новопрозябший крин;

радуйся, благочестия благоуханный сосуд.

Радуйся, богатство многоценное честныя обители Хозевитския;

радуйся, защитная башня, окружающая благочестивых.

Радуйся, долину Хоррафскую освятивый;

радуйся, трапезу нетления любовью озаривый.

Радуйся, дарований кладезь неисчерпаемый;

радуйся, чудес источник неиссякаемый.

Радуйся, верных к тебе притекающих защититель;

радуйся, наш от опасностей избавитель.

Радуйся, Иоанне, отче преподобне.

Кондак 13

Новое украшение обители Хозевитския, подвижников торжество, украси нашу жизнь молитвами твоими теплыми к Богу, преподобне, да пред мощами твоими святыми стояще, все к Нему вопием: Аллилуия.

Сей конда́к глаго́лется три́жды. И па́ки чте́тся и́кос 1-й, и конда́к 1-й.