Акафист святителю Зиновию, митрополиту Тетрицкаройскому, в схиме Серафиму

Молитвы предначинательные

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй, 12,

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Кондак 1.

Избранный угодниче Христов, святителю отче Зиновие, пастыреслужением своим многия люди ко Христовой вере возведый, ныне же имеяй велие дерзновение ко Господу, моли о нас, любовию зовущих ти:

Радуйся, святителю отче Зиновие, дивный / святителю и/ молитвенниче о душах наших. /

Радуйся, отче Зиновие, дивный святителю и молитвениче о душах наших

Икос 1.

Яко от младых лет, блаженне зиновие, сиротство испытал еси, но земнаго родителя потерявый, обрел еси навечно Небеснаго Отца, сего ради тебе, избранниче Божий, вопием сице: 

Радуйся, добролюбивое устроение души имевый.

Радуйся, пророчество Божие от сверстников своих о себе услышавый.

Радуйся, на служение ангельское призванный.

Радуйся, от юности Христа возлюбивый.

Радуйся, обитель Глинскую Рождества Пресвятыя Богородицы узревый.

Радуйся, отче Зиновие, дивный святителю и молитвениче о душах наших.

Кондак 2.

Видя Всеведущий Господь души твоея чистоту, стремление твое ко исканию равноангельного жития направи. Ты же ангельский образ прияв и многими искушении в начале пути испытан быв, не переставал еси взывати к Богу: Аллилуия.

Икос 2.

Ангельское житие от юности возлюбил еси, блаженне, смирением высоты подвига достигнувый и в испытании подвига не оставивый, сего ради от полноты душ наших вопием тебе сице:

Радуйся, призвание Божие подвигом своим опревдавый.

Радуйся, смирением свою жизнь освятивый.

Радуйся, наставником своим послушание велие имевый.

Радуйся, ангелом подражатель здесь, на земли, явивыйся.

Радуйся, светлостию твоего жития путь на небеса показавый.

Радуйся, отче Зиновие, дивный святителю и молитвениче о душах наших.

Кондак 3.

Измлада вдав себе в послушание мудрому наставнику, положил еси в сердце своем вопрошати о всем духовнаго старца, и бысть слово его тебе, яко слово самаго Бога, ему же воспеваем присно: Аллилуия.

Икос 3.

Хотящу тебе работати Господеви, многими испытаниями враг, начальствующия ополчая, душу твою искушал есть, ты же, святителю, в смирении слезами многими сердце обливая, не преставал еси просити у Бога милости, тем же и мы вопием ти сице:

Радуйся, смирение в основании подвига положивый.

Радуйся, незлобием злые уста заградивый.

Радуйся, строгости наставничей не убоявыйся.

Радуйся, о велицем своем служении в притче юродиваго услышавый.

Радуйся, в день Благовещения / Девы Марии / монашеский подвиг приявый.

Радуйся,на пороге испытаний, коими страна российская подвержеся, избрание равноангельскаго жития подтвердивый.

Радуйся, отче Зиновие, дивный святителю и молитвениче о душах наших.

Кондак 4

В лютое время, егда брат на брата восста, и грабежом и разбоем мир окрест возбесися, ты же, с благоговением приявый наставниче благословение и без страха исполняяй всякое послушание, не переставал еси взывати ко Господу и его Пречистей Матери: Аллилуия.

Икос 4.

Призвавшему тя игумену, его же и повелением сняша с тебе ангельское облачение /ангельския одежды/, и власы монашеския остригоша, ты же, святителю, в неведении пребывая, покорно во одежду мирскую одеяся, обаче не вопрошал еси наставника, но сиренно волю его исполнял, отсекши свою волю, мы же дивяся сему вопием тебе сице:

Радуйся, яко агнец пред стригущими его безгласен бывый.

Радуйся, испытание наставниче смиренно приявый.

Радуйся, послушание выполяяй, архиерея /божия/ от злобы людския свободивый.

Радуйся, от него о архиерейстем твоем служении /проречение/ услышавый.

Радуйся, житием, духом, любовию, верою и чистотою верным пример явивый.

Радуйся, отче Зиновие, дивный святителю и молитвениче о душах наших.

Кондак 5.

Бури беззакония и людскаго мятежа не убоялся еси, видя глинския обители разорение, но святый Антиминс унесший с собою, не преставал еси служити Богу, храмом имея землю, а куполом /кровом/ его небо, выну вопия ко Господу: Аллилуия.

Икос 5.

В гонениих продолжая течение монашескаго жития, скит в горах Абхазии тацно устроил, в нем же насельником духовным наставником явился еси. По разорении же и сия малыя пустыни скитания и беды приявый, не потерял еси светлыя надежды на милость Божию, тем же и мы вопием ти сице:

Радуйся, иерейское служение во время мучения /гонения/ христиан приявый.

Радуйся, в скитаниих Богу и людем служити не преставый.

Радуйся, лютаго зверя, в логове своем ночуя, молитвою укротивый.

Радуйся, в сем деле помощь святителя Николая приявый.

Радуйся, делы своими заповеди Божии нас исполняти научивый.

Радуйся, отче Зиновие, дивный святителю и молитвениче о душах наших

Кондак 6.

Без вины темничное заключение претерпел еси, едино обвинение имеяй: одеяние иерея Божия. Но готовый за Христа и до смерти пострадати, с верою присно вопиял еси ко творцу: Аллилуия.

Икос 6

Со смирением в темнице пребывая, крест свой на рамо взем понесл еси вкупе со сказавшими: се мы оставихом вся вслед Тебе идохом. Сего ради, чтим святыя страдания твоя и усердно вопием ти:

Радуйся, яко в темнице и во узах за Христа пострадавый.

Радуйся, незлобием и смирением мучителей своих посрамивый.

Радуйся, поношение за веру православную приявый.

Радуйся, в гонениих веру Христову небоязненно проповедовавый.

Радуйся, любовию нелицемерною веру Христову утвердивый.

Радуйся, отче Зиновие, дивный святителю и молитвениче о душах наших

Кондак 7.

Яко жаждою мучимых соузников своих, сквозе малое оконце лжицею уловивый струи дождя, напоил еси, тако и духовную жажду страждущих утолял еси, служение иерейское и в темнице продолжаяй, не преставая к Богу и Творцу всяческих взывати: Аллилуия.

Икос 7.

Исполнь весь Любве Христовы, спасение соузникам своим устрояяй, многия тяжкеия телесныя труды приял еси. Обаче немощи тела силою духа превозмогаяй, вся принимал еси, яко от руки Божия. Тем же и мы, сострадая мучением твоим, вопием сице:

Радуйся, пастырю добрый, грешником путь к небеси показавый.

Радуйся, в вере православней пасомыя своия /своя/ наставлявый. 

Радуйся, хлад зимний, мучителями тебе уготованный, претерпевый.

Радуйся, от Бога имущий ум, знания, потребная для исполнения всякия службы, вместивый.

Радуйся, среди снежнаго хлада живую кисть /гроздь/ винограда обретший.

Радуйся, сам дивным плодом от животворящия лозы бывый.

Радуйся, отче Зиновие, дивный святителю и молитвениче о душах наших

Кондак 8.

В день, егда празднество Успения Пресвятыя Владычицы нашея православные Молитвенно совершают, от уз темничных свершися и твое свобождение, ты, /святителю/ отче Зиновие, с благодарением воззва царице небесной, присно славя Бога: Аллилуия.

Икос 8.

Заступницы рода христианскаго покров имеяй, иерейское служение в уделе Пресвятыя Богородицы, Иверстей земли, приял еси. Кней же, перед чудной иконой "Целительница" вознесл еси моление о исцелении в лютом недузе своем, егда земнии врачи в неискусстве своем отступиша. Тако явление Целительницы в келии своей сподобился еси, святителю отче Зиновие, в нем же исцелением чудесным твоим явила Пречистая знамение своея любве, радующися о тебе, тем же и мы вопием тебе сице:

Радуйся, исцеление от Матере Божия чудно получивый. 

Радуйся, дивную икону Ея "Целительница" присно почитавый.

Радуйся, ко Христу души людей приводивый. 

Радуйся, Крест Христов непорочно по жизни прнесший. 

Радуйся, преблагий пастырю наш, силу чудесную в благословении имевый. 

Радуйся, паству духовную во множестве окрест себе собравый. 

Радуйся, молитвою своею людем исцеления подаваяй.

Радуйся, отче Зиновие, дивный святителю и молитвениче о душах наших

Кондак 9

Провидя твое непорочное служение, патриарх Каллистрат в день единый тебе, /святителю/ отче Зиновие, архимандритство и настоятельство давый, к новому служению призвал. Ты же, послушание исполняяй, многими трудами трудился еси, присно взывая к Богу: Аллилуия.

Икос 9.

Во исполнение пророчества о тебе, Божиим усмотрением встал есть на архиерейское служение, святителю отче Зиновие, мы же сего ради гласы хвалебними тя славим:

Радуйся, велие послушание имевый.

Радуйся, послушанием разумный и мудрых в духовных высотах превосходивый.

Радуйся, Глинския обители свет в духовном служении людем был еси.

Радуйся, любвеобильным сердцем многия приемый.

Радуйся, благодатным теплом среди снежнаго хлада согреянный /согретый/.

Радуйся, прозорливостью от Бога украшенный.

Радуйся, постриг инока Илии совершая, будущее патриаршее служение его предсказавый.

Радуйся, отче Зиновие, дивный святителю и молитвениче о душах наших

Кондак 10.

В краткое время возрождения глинския пустыни, родную обитель посетил еси, святителю Зиновие, идеже бяху старцы Андроник и Серафим. Тако тамо снидошася три светильника. С ними же не преставал есть взывати к Богу: Аллилуия.

Икос 10.

Судьбы Божии соединиша навек ваша сердца, испивше вкупе чашу радости и горя, дивный Серафиме, благосердый Андрониче, каждый свое служение пред Богом совершившии. Ты же, святителю отче Зиновие, служение святительское по послушанию приял еси, но власть на земле имеяй велию, всего себе власти Божией предавый, сего ради воспеваем ти сице:

Радуйся, Глинския пустыни столп и утверждение.

Радуйся, любовию к пастве истину Православия укрепляющий.

Радуйся, носителю Божественныя благодати, на нас ю обильно изливающий.

Радуйся, в житии своем нестяжание и нищету вольно приемый.

Радуйся, митрополичьи покои в утесненней келии бедной имевый.

Радуйся, в схиме святей молитву умноживый и пост удвоивый.

Радуйся, Серафимом, ангелом огненным, в схиме святей нареченный.

Радуйся, отче Зиновие, дивный святителю и молитвениче о душах наших

Кондак 11.

Дивный наставниче, святителю отче Зиновие, спасение всем чадом духовным устрояя, видения многих детей в келии в утешение пред исходом своим сподобился еси, ко Господу редостно взывая: Аллилуия.

Икос 11.

Странником и пришельцем в мире сем был еси, святителю отче Зиновие, от Бога о дни исхода своего уведомый и в молитве душу Богу предавый, сего ради вкупе со всею паствою твоею взываем: не престай молитися о нас, тем же усердно вопием ти:

Радуйся, двух Церквей Российской и Грузинской соединение.

Радуйся, пастырю добрый, душу свою за овцы всегда положити готовый.

Радуйся, до последних дней в священнодействии Бога славивый.

Радуйся, в земном житии души верных благодатию Бюжией наполняяй.

Радуйся, подвигом добрым в посте и молитве подвизавыйся.

Радуйся, венец правды по кончине своей приявый.

Радуйся, отче Зиновие, дивный святителю и молитвениче о душах наших

Кондак 12.

Ангела своего, священномученика Зиновия, стопами следуя, утешение несл еси печальми и болезнми обремененный и яко той Щедро милостыню творяй, такожде и ты милостыню неоскудеваему – Божию благодать до последних дней пасомым твоим подавал еси. Ныне же ведяще дивную благодать, от Бога ти данную, прилежно взываем тебе и молим ти ся: спаси нас молитвою твоею теплою ко Господу, да воззовем ему в благодарности: Аллилуия.

Икос 12.

Воспевающие твое Богоугодное житие, святителю отче Зиновие, новаго заступника на небеси имамы, величаем твою совершенную /?/ любовь мнози бо в скорбех душевных сущи, скорое заступление и врачевание от тебя принимаху. Сего ради не престаем взывати к тебе, на неусыпня молитвы твоя надеющеся:

Радуйся, от юности всем сердцем Христа возлюбивый.

Радуйся, любве его ради многия скорби претерпевый.

Радуйся, сокровище духовное на земли стяжавый.

Радуйся, пастыреначальниче смиренный, во власти архиерейстей слуга покорный Господу бывый.

Радуйся, старчества сонаследниче, мудрый воспитателю добрых пастырей.

Радуйся, милостивый дателю, многия обители тайно украсивый.

Радуйся, отче Зиновие, дивный святителю и молитвениче о душах наших

Кондак 13.

О преславный угодниче Божий, дивный пастырю наш, святителю отче Зиновие! Приими сие от сердца нашего принеосимое тебе хваление и твоим чудным заступлением избави нас от всяких бед и напастей, страх Божий всели в сердца наша, научи во всем повиноватися Воли Божией, да избавимся от вечныя смерти и будущих мук, и купно с тобою присно воспоем Богу: Аллилуия.

Сей конда́к глаго́лется три́жды. И па́ки чте́тся и́кос 1-й, и конда́к 1-й.

Молитва.

О великий угодниче Божий, преславный пастырю наш, святителю отче Зиновие! Призри милостивно на предстоящия и молящиеся ти: на преставай нам являти любовь твою отчую, пред исходом своим обещавый молитися о нас. Мы же веруем, яко велию милость имаши у Господа, и твоим добрым заступлением милость Божию и на нас, грешных, призовеши. Исполни вся прошения наша во благо, испрси нам веру крепкую, с верою к тебе припадающим, надежду несомненную, на тебе надеющим/и/ся, любовь нелицемерную, с любовию почитающим тя. И яко в жизни земной чудным твоим благословением от всяких нас бед и напастей охраняяй и удачу всякому доброму делу подаваяй, призови и ныне с небеси на нас Божие благословение, да прославим Отца и Сына и Святаго Духа во веки веков. Аминь.