Акафист преподобному Досифею Палестинскому

Молитвы предначинательные

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй, 12,

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Кондак 1

Избра́нное ча́до Великих уго́дников Палести́нских Го́спода, уверовавший в Него во Иерусалиме явлением Богородицы в Гефсима́нии в Успения Ея храме пред иконою Страшнаго Суда́, пение сие́ ака́фистное Вам прино́сим, и спасение испрашиваем взывающим ти:

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Икос 1

А́нгели явление Божия Матери тебе видяще удивля́хуся, ка́ко Царица Неба призирает на живущих без веры в Бога на Земли́, путь спасения им указу́ет, а́да избе́гнути науча́ет и времени не тратяще подвигом добрым подвиза́тися наставляет величающих Вы:

Ра́дуйся, Госпо́день верный ра́бе;

Ра́дуйся, Богородицею посеще́нный тя спасти́.

Ра́дуйся, Варсоно́фия Великаго попечения пло́де;

Ра́дуйся, Иоанна Пророка усвое́ние молитв.

Ра́дуйся, Сери́да игумена препро́стое новое ча́до;

Ра́дуйся, Дорофе́я больни́чника монастырскаго помощниче благи́й.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 2

Ви́дяще сопу́тствующии тебе в Земле Cвяте́й во́ини твое поще́ние, мяс отвращение и ча́стыя моле́ния в осуществле́ние Девы Марии запове́дания, ка́ко спастись, к зна́емым ими Старцем кино́вии а́ввы Сери́да тя приведо́ша подвиза́тися и пе́ти с мона́шествующими: Аллилу́иа.

Икос 2

Разума спасения взыску́я: «Хощу́ спастися», то́чию рекл еси́, и испы́тану быти а́ввою Дорофе́ем, Божиих духовных дарова́ний испо́лненным и по праву дару Божию тезоимени́тым, Сери́дом, игуменом богомудрым препоруче́н был еси́, по́слежде глаго́лавшим ти:

Ра́дуйся, Госпо́день последователю;

Ра́дуйся, Богородицею наставленный.

Ра́дуйся, Варсоно́фия прия́вший благословения;

Ра́дуйся, Иоанна прорече́ний сподо́бльшийся.

Ра́дуйся, Сери́да а́вву яко игумена своего молитвенно поминавший;

Ра́дуйся, Дорофе́я созвучный имени, Богом данным на́званный.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нныйв Раи́.

Кондак 3

Силою Божиею, в не́мощи человеческой совершаемою, в вере и деле правых и по́двигах и́ноческих целомудрия, нищелю́бия и Старцем преподобным послуша́ния утвержден, во́ли стра́стныя отсече́ние стяжал еси́, и Господу Иисусу Христу непрестанно взывал еси́: Аллилу́иа.

Икос 3

Имея Наставницею и Ко́рмчею к преподобию, Покро́вом и Заступле́нием Марию Деву Всемилостивую, в дружину Христовых воинов в пустыне Га́зской вступил еси́, иде́же началам, среди́не и совершенству монашеским обуча́сь, ны́не на Небе слы́шиши:

Ра́дуйся, Госпо́день ра́тниче;

Ра́дуйся, Богородицею упра́вленный.

Ра́дуйся, Варсоно́фия просвещаемый указа́ниями благодатными;

Ра́дуйся, Иоанна, собра́та его прозорли́востию укрепля́емый.

Ра́дуйся, Сери́да игумена, сына духовнаго их, ча́до богода́нное;

Ра́дуйся, Дорофе́я, больницу монастырскую за послуша́ние тро́ице преподобней сей возглавля́вшаго, сотру́дниче рачи́тельный.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 4

Бу́ри претерпева́я напа́стей са́мости, душе́ вредящих и тело отягощающих, внегда́ побеждаем был еси́ си́ми, в кле́ти больничней затворя́яся горько оплакивал еси́ падения свои, до́ндеже а́ввою Дорофе́ем прощаем был еси́, Го́спода сла́вити призывающим: Аллилу́иа.

Икос 4

Слыша признание твое, что прогневался и ху́до глаго́лал еси́, начальник больничный и наставник твой Дорофе́й отвеща́: всяк брат твой есть Христос, Его оскорбля́еши. Начало исправле́ния поло́жим, старание не греши́ти приложи́м, и Бог поможет хотя́щему слышати:

Ра́дуйся, Госпо́день служи́телю полезный;

Ра́дуйся, Богородицею к святости преды́збранный.

Ра́дуйся, Варсоно́фия Великаго заботы удосто́енный;

Ра́дуйся, Иоанна Пророка по духу сро́дный.

Ра́дуйся, Сери́да игумена мона́ше подлинный;

Ра́дуйся, Дорофе́я а́ввы учениче́ первый и пре́даннейший.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 5

Богосве́тлыя, нерукотворе́нныя и нетле́нныя стяжева́л еси́ Духа Святаго благодати одея́ния, внегда́ благословения ра́ди Дорофе́ова одежду новую на смену ве́тхия своея́ шил еси́, и до́бре соделанную иным из братии и болящих безропотно отдавал еси́, благодарящим Бога: Аллилу́иа.

Икос 5

Ви́дя яко красив есть тебе прине́сенный нож, с радостию на ну́жды больничные той приял и Старцу вручил еси́ яко послушник истинный. А́вва же Дорофе́й пристра́стия ограждая тя, Богу то́чию рабо́м быти повеле́ николи́же ножу́ сему́ прикасаяся, да в безстра́стии вне́млеши:

Ра́дуйся, Госпо́день люби́мече;

Ра́дуйся, Богородицею возлюбленный та́кожде.

Ра́дуйся, Варсоно́фия стяжа́ние драгоценное;

Ра́дуйся, Иоанна произраще́ние райское.

Ра́дуйся, Сери́да кино́вии украше́ние;

Ра́дуйся, Дорофе́я богому́драя о́трасле.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 6

Пропове́дуют по́двиги твоего молитвы Иису́совой де́лания, по́мыслов откровения, самоотрече́ния послуша́нием до совершеннаго во́ли своея́ отсече́ния и всегда́шняго жительства по Старцев святых благослове́ниям царский путь спасения тя почитающим и Богу ликовству́ющим: Аллилу́иа.

Икос 6

Просия́ пото́ком во́дным, при свете солнечном ра́дугою блистающим, добродетель, тобою в си́ле и глубине́ ея явле́нная сле́знаго покаяния, проступки и грехи омывающая и ду́ши плачущия о сих приуготовля́ющая добро́тами оби́льно произрасти, о се́мже

Ра́дуйся поем ти:

Ра́дуйся, Госпо́день ревностный взыска́телю;

Ра́дуйся, Богородицею Само́ю обре́тенный.

Ра́дуйся, Варсоно́фия утеше́ние сердечное;

Ра́дуйся, Иоанна обра́дование вечное.

Ра́дуйся, Сери́да обители пречестны́й би́сере;

Ра́дуйся, Дорофе́я прославле́ние наибольшее.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 7

Хотя́ще се́яти, расти́ти и жа́ти жатву Христову многую, земну́ю и небе́сную, дара́ми благодатными, Господином жа́твы щедро им данными, Старцы Вели́кия Га́зския цени́ли тя и любили суть яко послушника, Богом дарова́нного пе́ти с ними и́скренне: Аллилу́иа.

Икос 7

Дивное ники́мже и ничи́мже смуща́емое, прямое и це́льное являл еси́ по́мыслов находя́щих откровение отцу́ своему богоно́сному тружда́яся под началом его в больнице обители, и та́ко плене́ния си́ми и сослага́ния сим уклонялся еси́, поне́же и слышиши:

Ра́дуйся, Госпо́день Иису́с Христо́в подража́телю даже до смерти послу́шливости;

Ра́дуйся, Богородицею во ве́ки не осужде́ну быти нау́ченный.

Ра́дуйся, Варсоно́фия совопро́сниче и соотве́тниче;

Ра́дуйся, Иоанна сове́тования воплоти́ти усе́рдствовавший.

Ра́дуйся, Сери́да игумена уста́ми и слу́хом со Старцами си́ми великими сообщавшийся;

Ра́дуйся, Дорофе́я а́ввы назида́ния охо́тно ждавший и принимавший.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 8

Странники и пришельцы на земли́, пусты́ни зно́йныя и го́ры высо́кия насели́вшия Небеснаго ра́ди пребыва́ния, житию́ твоему́ те́сному человеку плотско́му ве́тхому, новому же, во Христе́ свободному, удивляются, и Богу о тебе подоба́юще поют: Аллилу́иа.

Икос 8

Все помышле́ние, крепость и силу твои, не яко раб и нае́мник, а яко ча́до по благодати Божие, по словеси́ Иису́сову Богом возлю́бленное и Бога любящее, Троице Святе́й сла́вимей и покланя́емей от юности посвяти́л еси́, о се́мже и целова́ния наши прими:

Ра́дуйся, Госпо́день обра́зчик дела́ми являемыя неруши́мыя верности;

Ра́дуйся, Богородицею Девою Преблагослове́нною я́ве и сокрове́нно руково́дствовавшийся.

Ра́дуйся, Варсоно́фия Великаго, столпа́ и́стины утверждения, приклоне́ние;

Ра́дуйся, Иоанна Прозорливаго кла́дезем благодати напое́нный.

Ра́дуйся, Сери́да, пастыря добраго, а́гниче;

Ра́дуйся, Дорофе́я милосердию сорабо́тати забо́тившийся.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 9

Всякое наставле́ние и указа́ние малое и великое, внешнее и внутреннее, разреши́тельное и запрети́тельное тщательно и старательно принимал и выполнял еси́ с чистою со́вестию, спасающимся и спасающим доверя́яся, делом и словом Бога сла́вящим: Аллилу́иа.

Икос 9

Вети́йствовати изли́шне пути́ спасения твоего воспису́юще, прямо́ю и кратча́йшею бо стезе́ю послуша́ния Го́споду, Богородице и служи́телем Их, Богом повеле́нное сами́м соде́лывающим и тебе на пользу открывающим, в черто́г, Спасителем отворе́нный вам, возше́л еси́ призыва́емый:

Ра́дуйся, Госпо́день по Матери младший прие́мный брате;

Ра́дуйся, Богородицею Голго́фским всыновле́нием восприя́тый.

Ра́дуйся, Варсоно́фия великая отра́до;

Ра́дуйся, Иоанна прозорли́вости свидетельство.

Ра́дуйся, Сери́да ста́да мона́ше праведно правильный;

Ра́дуйся, Дорофе́я благословенный подчине́нный.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 10

Спаса́я всякаго из людей на Земли́, Безпло́тный и Безнача́льный Сы́не Божий, Ты по Совету Тро́ическому Челове́ком совершенным та́кожде стал еси́, во всем нам, кроме́ греха́, подо́бным, Духа Святаго наи́тием Присноде́вою вопло́щшеся, да взыва́ем со А́нгелами: Аллилу́иа.

Икос 10

Стена́ разделе́ния безконе́чнаго Небеснаго и преиспо́дняго непереходи́ма будет по Стра́шнем Суде́, сей же Бог Отец Единоро́дному Богу Сыну предаде́ и Сыну Человеческому, Его́же Пречистою Девою Ма́терию ты мучений упрежде́н и спасе́н был еси́, и та́ко обрадован:

Ра́дуйся, Госпо́день созерца́телю, на Небе живущий;

Ра́дуйся, Богородицею видимый и слы́шимый в обители твоей Го́рней.

Ра́дуйся, Варсоно́фия собра́тии Великия соприча́стниче;

Ра́дуйся, Иоанна и их молитвы единоду́шно с твоими вознося́щий.

Ра́дуйся, Сери́да обители пого́ст моща́ми своими освяти́вший;

Ра́дуйся, Дорофе́я тобою а́ввою соде́лавший, зало́г спасения ученико́м подаю́щим.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 11

Пение, Матери Божией приятное яко Богу достойное, днем и нощию совершал еси́ сам и с иными монахами из ке́лий и кино́вии Сери́да игумена Га́зскаго, в больнице на излече́нии находившимися, и часто молился еси́ Господу принося́, я́коже псалмопе́вец не́когда: Аллилу́иа.

Икос 11

Светоза́рное зна́мение твоего прославле́ния по кончине твоей с напу́тствием Великаго Варсоно́фия в радость Го́спода вни́ти имуще, мужу не́коему бывшее, в обитель Сери́дову пришедшему святым ея поклони́тися, уме́ршим и живу́щим, умиле́нно тебе поем, в ве́лией славе су́щему:

Ра́дуйся, Госпо́день обра́дователю и сла́вителю;

Ра́дуйся, Богородицею ко Господу званный и Своим Богом при́знанный.

Ра́дуйся, Варсоно́фия вседе́ятельный послу́шателю;

Ра́дуйся, Иоанна, благодати тезоимени́таго божественней, воспрее́мниче благодати.

Ра́дуйся, Сери́да, Богом благослове́ннаго, звавший своим духоно́сным а́ввою;

Ра́дуйся, Дорофе́я сострада́ния и утеше́ния людей приобщи́вшийся да́ру.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 12

Благодать, низше́дшая на тя в подвигах и́ноческаго самоотверже́ния и самоумерщвле́ния, в послуша́нии иску́сным в сем Отце́м соверша́емых, истину утверждает, что старость честна́ не многоле́тна и не в седи́нах мудрость, а в ю́ных, на Небеси́ воспевающих: Аллилу́иа.

Икос 12

Поюще твое скорое на Небо от Земли́ восхожде́ние для ны́не вре́меннаго душе́ю и иму́щаго наступи́ти всеконе́чнаго с телом просла́вленным воскреше́нием пребывания, и Господних к тебе путе́й прямыми соде́лания покая́нием це́ну безценную воздава́юще, зове́м о сем си́це:

Ра́дуйся, Госпо́день ра́бе, слуго́, дру́же и сы́не по устрое́нию душевному и возраста́нию духовному;

Ра́дуйся, Богородицею обраще́нный из несмы́сленнаго и чу́ждаго к вере правой и делам веры.

Ра́дуйся, Варсоно́фия Старцем великим и отце́м своим и Отце́в твоих прочих именующий;

Ра́дуйся, Иоанна, сподвижника его другим своим ко Христу водителем признающий.

Ра́дуйся, Сери́да ува́живавший яко управи́теля из земны́я обители в кро́вы Небе́сныя свя́то поживших и почи́вших мона́хов;

Ра́дуйся, Дорофе́я порожде́ние священное, окормле́нием его стяжа́вший образ и подо́бие, челове́кам Божиим поло́женныя.

Ра́дуйся, блаженне о́троче Досифе́е, послуша́нием пятилетним Отце́м твоим преподобным к мужа́м Святым совершенным причте́нный в Раи́.

Кондак 13

О, дарова́нию Божию тезоимени́те святый о́троче, славою с похвалою Отце́в преподобных Варсоно́фия, Иоанна, Сери́да и Дорофе́я ставший яко духовное воспита́ние их, вселе́нное в Раи́! Молися за ны́, да и мы послу́шливи Богу будем, и вы́ну с тобою пое́м Ему: Аллилу́иа.

Сей конда́к глаго́лется три́жды. И па́ки чте́тся и́кос 1-й, и конда́к 1-й.

Молитва

О, преподобне и богоно́сне отче наш, о́троче Божий Досифе́е! Чистая и и́скренняя душе́, не с детства, но в юности Го́спода Богородицею познавшая, и по советам Ея́ ру́ки твоя на ра́ло возложи́вшая и, вспять не обраща́ющися, поще́нием, мяс не вкуше́нием и частыми молитвами ко спасению устреми́вшаяся и в оби́тели Га́зской всели́вшаяся а́ввы Сери́да Святых преподобных отце́в! По́двигом правым и добрым в послуша́нии и во́ли своея́ отсече́нии подвиза́яся по благословению Старцев святых Великаго Варсоно́фия, Прозорли́ваго Иоанна, игумена Сери́да и больни́чника Дорофе́я, а́ввами достодо́лжно имену́емых, по во́ле Божией, им о тебе открыва́емой, жи́тельствовал, и днем и но́щию Го́споду благоугожда́л еси́. И та́ко прилага́я труд к труду́ и по́двиг к подвигу венцы́ спасения стяжева́л еси́, сам сего́ не замеча́я по смирению и кро́тости. Обита́телем немощны́м больницы монастырския добросерде́чно и старательно прислуживал еси́, страдания и мучения их смягча́я, и здра́вие молитвенно испра́шивая им и подавая. Пита́л, упокоева́л и одевал их еси́, свою одежду новую им уступая по а́ввы Дорофе́я приказанию с всегда́шним расположе́нием добрым и отношением бла́гостным. Внегда́же душе́ю твоею освяти́лся еси́ пять лет та́ко подвиза́яся, и тело само́ твое целому́дренное и де́вственное в жертву Богу прине́сл еси́, болезни грудны́я ра́ди неизлечи́мыя кро́вию ха́рканием очищаяся и умирая, в изнеможе́нии и страданиях Го́спода благодаря за му́ченичеству подо́бныя веры твоея́ испыта́ния. К послуша́нию же всеце́лому приу́ченный, ду́шу твою Богу преда́л еси́ испрося́ Варсоно́фия Великаго благопожела́ния войти в радость Го́спода твоего в место Ра́йское Отце́в святых, в обители вашей прежде подвиза́вшихся и упоко́ившихся. Что Бог наш на ро́пот не́ких из бра́тии, недово́льствовавшихся сим, презира́вших тя и позави́довавших тебе, яви́ Отцу́ не́коему, зрение духовное иму́щему и по молитвам его на могилах покойников Га́зскаго монастыря славу светоно́сную и радостное загро́бное ликова́ние юности твоея́ со старцами и мужа́ми, возрастом зрелыми, в откровении дивном увидевшему. Сего ра́ди и́мамы тя юношу по лета́м, а́ввою ставшим по совершенствам твоим ку́пно с твоими Великими а́ввами. И тебе молимся, да и нас пред ста́тельством твоим, Богу приятным и уго́дным Божией Матери, и мы, непослу́шныя и го́рдыя, ко бла́гу переме́нимся, и, хотя́ ма́лыя то́лики твоих добродетелей, Христу Спасителю нашему и Преподобным Его свойственных, та́кожде сподо́бимся. И Богородице послу́шествующе избежи́м осуждения вечнаго на Суде́ Страшном будущем и мук а́дских, гре́шником нераска́янным уготованных не во отмще́ние, а по их душе́вному и теле́сному устрое́нию и в Рай вхожде́нию неспосо́бности. Установле́ния церко́вныя да соблюде́м и к Та́инствам И́споведи и Причаще́ния при́сно, в боле́знех же и ско́рбех Елеоосвяще́ния Та́инству прибега́ем не в тя́жесть, ни в му́ку, ни в приложе́ние грехов, а во очище́ние души́ и те́ла. По смерти же христиа́нской ми́рной и непосты́дной в Ра́йския обители, спасе́нным Богом устро́енныя, я́коже и ты, Досифе́е Блаже́нный, на ве́ки ве́чныя Троице Святе́й, Живонача́льней и Светопода́тельней Отцу́, и Сыну, и Святому Духу аллилу́иа благода́рственно пе́ти да водвори́мся. Ами́нь.