Шрифт

Акафисты святым

Акафист святому преподобному Аркадию Вяземскому и Новоторжскому

Кондак 1

Избранный Господем сил и Царем славы, подвиги своими предивный образ иноческаго жития явивый и равноангельски на земли поживый, блаженне Аркадие, достойно восхвалити тя не возможем мы, любовию чтущии тя. Ты же предстательством твоим ко Господу от всяких бед свобождай всех, зовущих ти:

Радуйся,Радуйся, преподобне отче Аркадие, Новоторжский чудотворче.

Икос 1

Архангел и ангел лики со умилением зряху на пречудное житие твое, преподобне Аркадие; во плоти бо, аки безплотен, пожил еси и еще во отроческих летех, всем сердцем и душею Господа своего возлюбив, чистоту души и тела твоего соблюл еси и тако дивное житие твое, Господеви работая, проводил еси. Сего ради слышиши от нас пение сицево:

Радуйся,Радуйся, православныя веры утверждение;

Радуйся,Радуйся, града Вязьмы благодатное возращение.

Радуйся,Радуйся, корени благодатного прозябение;

Радуйся,Радуйся, Божия благодати сосуде избранный.

Радуйся,Радуйся, свещник, Божественною благодатию возжженный;

Радуйся,Радуйся, луче солнца правды возсиявый.

Радуйся,Радуйся, на земли, аки ангел поживый;

Радуйся,Радуйся, Духа Всесвятаго приятелище и жилище бывый.

Радуйся,Радуйся, яко ко Христу прилепился еси;

Радуйся,Радуйся, яко умными очима Бога зрети научился еси.

Радуйся,Радуйся, преподобне отче Аркадие, Новоторжский чудотворче.

Кондак 2

Видя непостоянство и суету мирскую, земную же красоту и славу ни во что же вменив, подвиг юродства измлада на себе подъял еси и в безмолвии мнозе, непрестающих слезах и постояннем плаче о гресех своих подвизался еси, поя Богу: Аллилуия.

Икос 2

Разумом просвещенным своим уразумел еси, яко век, иже на земли, преходящ есть, век же он, яко непреходящий возлюбил еси; сего ради еще юн сый телом и млад летами, обаче велик и силен пред Богом и человеки был еси. О сем убо дивимся и восхваляем тя сице:

Радуйся,Радуйся, яко светильник граду Вязьме юный был еси;

Радуйся,Радуйся, яко от юности твоея Господа возлюбил еси.

Радуйся,Радуйся, Тому Единому себе совершенно предавый;

Радуйся,Радуйся, славу маловременную презревый.

Радуйся,Радуйся, духови плоть свою покоривый;

Радуйся,Радуйся, душу свою от страстей очистивый.

Радуйся,Радуйся, желанием отечества небеснаго утвердивыйся;

Радуйся,Радуйся, нетленных благ насладивыйся.

Радуйся,Радуйся, душегубительнаго и гордаго змия смирением своим убивый;

Радуйся,Радуйся, подвиги своими жителей града своего удививый.

Радуйся,Радуйся, преподобне отче Аркадие, Новоторжский чудотворче.

Кондак 3

Силою Божиею укрепляемый, преподобный Ефрем, от града Торжка в славный град Киев научения ради иноческаго хождаше; пришед же в град твой и видев тя, аще и юна суща, обаче подвиг многих исполнена, благослови тя именем Божиим на путь духовнаго преуспеяния и прослави Бога, вопия Тому: Аллилуия.

Икос 3

Имел еси, преподобне, наставника твоего и руководителя и старца мудраго Ефрема архимандрита, и к тому наставления ради духовнаго от града своего во обитель Новоторжскую многажды притекал еси; темже и в добродетели возрастал еси, и от людей ведущих тя, слышал еси таковая:

Радуйся,Радуйся, великаго учителя доблий учениче;

Радуйся,Радуйся, неусыпный к Богу молитвенниче.

Радуйся,Радуйся, в послушании наставнику твоему добре пребывый;

Радуйся,Радуйся, постом и воздержанием плоть свою смиривый.

Радуйся,Радуйся, кротостию сердца твоего изряднее солнечнаго сияния просиявый;

Радуйся,Радуйся, вся в мире суетная возненавидевый.

Радуйся,Радуйся, духовные подвиги паче всего возлюбивый;

Радуйся,Радуйся, воинства небесныя подвиги своими удививый.

Радуйся,Радуйся, яко добродетелей многих сокровищем обогатился еси;

Радуйся,Радуйся, яко еще в юности многолетних духовным житием превзошел еси.

Радуйся,Радуйся, преподобне отче Аркадие, Новоторжский чудотворче.

Кондак 4

Бурю мирскаго жития и страстей юношеских нощными стоянии и подвигом воздержания укротил еси, преблаженне Аркадие, и постом сугубым и чистотою телесною душу твою украсил еси: темже прежде принятия ангельскаго образа, уже инок изрядный был еси и научил еси всех воспевати Богу: Аллилуия.

Икос 4

Слышаще и видяще Вяземстии людие чистое житие твое, преподобне Аркадие, прославляху Всемилостиваго Бога, даровавшего им таковаго юного подвижника и теплаго молитвенника, понеже убо ты, отче, псаломскую песнь исполняя, не давал еси сна очима своима, ни дремания веждома своима, обаче на камени велицем, иже бе при церкви Божии, по вся нощи в пении и молении подвизался еси. Сего ради любовию вопием ти:

Радуйся,Радуйся, денно и нощно в молитве пребывый;

Радуйся,Радуйся, человече Божий, в мире сем ангельски поживый.

Радуйся,Радуйся, чистоты и праведности благоуханный цвете;

Радуйся,Радуйся, Божественно дарованное сокровище.

Радуйся,Радуйся, девство свое непорочно соблюдый;

Радуйся,Радуйся, плачем и слезами душу свою от греховныя скверны омывый.

Радуйся,Радуйся, безмолвия твердаго хранителю;

Радуйся,Радуйся, заповедей Божиих усердный исполнителю.

Радуйся,Радуйся, яко житием твоим ангелы возвеселил еси;

Радуйся,Радуйся, яко подвиги твоими духов злобы посрамил еси.

Радуйся,Радуйся, преподобне отче Аркадие, Новоторжский чудотворче.

Кондак 5

Боготечней звезде уподобился еси, досточудне Аркадие, всем хотящим о Господе подвизатися и спасения вечнаго ищущим: якоже бо солнце многосветное просветися житие твое светом твоих добродетелей и подвиг чудесных сияньми. Темже и мы, невечерним светом славы твоея озаряеми, просветившему тя Своею благодатию Богу согласно вопием: Аллилуия.

Икос 5

Видев некия вдовицы сына, мала отрока, ядуща млеко, и из того же сосуда ядуща млеко гада, святе Аркадие, воздохнув рекл еси: в Троице славимый Боже, да не будет сего гада в граде Вязьме и за тридесять поприщ. И от того часа град сей и область его от змиев и гадов избавил еси даже до днесь. Таковому твоему чудодействию дивяшеся, со умилением взываем ти сице:

Радуйся,Радуйся, дар чудес измлада от Господа восприявый;

Радуйся,Радуйся, чистотою и смирением Богу угодивый.

Радуйся,Радуйся, Духа Пресвятаго пресветлое озарение;

Радуйся,Радуйся, града своего Божественное благословение.

Радуйся,Радуйся, чудес предивных совершителю;

Радуйся,Радуйся, у Престола Царя Небеснаго за нас теплый ходатаю.

Радуйся,Радуйся, от десницы Вседержительныя увенчанный;

Радуйся,Радуйся, от нас грешных на земли прославленный.

Радуйся,Радуйся, яко крест свой взем, Христу Богу последовал еси;

Радуйся,Радуйся, яко козни демонские крестом низложил еси.

Радуйся,Радуйся, преподобне отче Аркадие, Новоторжский чудотворче.

Кондак 6

Проповедник евангельскаго терпения, кротости и смирения был еси, блаженне Аркадие, егда в подвизе юродства твоего глумления, поругания и презрение от людей злых претерпел еси, иже духовными очима ослеплени бывше, не мняху тя быти светильника Божия благодати и святых юродства подражателя и не ведяху укрепляющему тя Богу пети: Аллилуия.

Икос 6

Возсия тебе свет новыя благодати, преподобне Аркадие, егда отеческий град, дом и род твой оставив и к наставнику твоему, преподобному Ефрему, пришед, во обители Новоторжстей вселился еси, и от рук сего старца пострига монашескаго сподобился еси, и образ многих добродетелей иноческих в себе носил еси. Сего ради слышиши от нас похвалы сия:

Радуйся,Радуйся, уставов иноческих крепкий хранителю;

Радуйся,Радуйся, кротости предивный учителю.

Радуйся,Радуйся, подвигов монашеских ревнителю;

Радуйся,Радуйся, смирения добрый наставниче.

Радуйся,Радуйся, иноческаго жития добрый поборниче;

Радуйся,Радуйся, во всеоружия Божия одеявыйся.

Радуйся,Радуйся, щит веры и шлем спасения стяжавый;

Радуйся,Радуйся, меч духовный, еже есть слово Божие, сладце возлюбивый.

Радуйся,Радуйся, воздержанием удобренный;

Радуйся,Радуйся, нестяжанием украшенный.

Радуйся,Радуйся, преподобне отче Аркадие, Новоторжский чудотворче.

Кондак 7

Хотя быти инок совершен, в послушание отцу своему духовному весь вдался еси, достохвальне Аркадие, и тому усерднейший в подвизех иноческих подражатель быв, научился еси купно с ним выну взывати к Богу: Аллилуия.

Икос 7

Дивную двоицу, благодати Божией исполненную и добродетельми иноческаго жития украшенную, яви нам Новоторжская обитель: тя, блаженне Аркадие, и богомудраго учителя твоего, преподобнаго отца нашего Ефрема, ему же ты добре поревновав, на высоту духовнаго совершенства восшел еси. Сего ради слышал от всех похвалы сия:

Радуйся,Радуйся, преподобных красото;

Радуйся,Радуйся, духовнаго жития чистое зерцало.

Радуйся,Радуйся, молитв наших благоприятное кадило;

Радуйся,Радуйся, иноков благочестивых многосветлое солнце.

Радуйся,Радуйся, монашествующих предивное украшение;

Радуйся,Радуйся, подвижников образе благоугождения.

Радуйся,Радуйся, светом добродетелей твоих град и страну нашу озаривый;

Радуйся,Радуйся, житием твоим Отца Небеснаго прославивый.

Радуйся,Радуйся, любовь Христову в сердце своем имевый;

Радуйся,Радуйся, заповеди Того сохранивый.

Радуйся,Радуйся, преподобне отче Аркадие, Новоторжский чудотворче.

Кондак 8

Странник во юдоли земней быв, век сей, яко маловременен, оставил еси, и оное житие и век будущий нескончаемый мудрствуя, вся нетленная тленными стяжати потщался еси, отнюдуже и тело твое духови поработил еси, да Христа Единаго приобрящеши, поя Тому: Аллилуия.

Икос 8

Всем сердцем твоим и всею душею твоею обители святых и благоверных князей Бориса и Глеба послужил еси, блаженне, иноческую братию послушанию, кротости, терпению и непрестанней молитве научая, наставнику же твоему во устроении обители неленостно помогая, темже и благоукрасися обитель сия елико домовным строением, тако и жития иноческаго насаждением. Сего ради вопием ти:

Радуйся,Радуйся, постников похвало;

Радуйся,Радуйся, обители Новоторжския предивная красото.

Радуйся,Радуйся, всем святым подражателю;

Радуйся,Радуйся, грядущаго града взыскателю.

Радуйся,Радуйся, яко бденными молитвами и постными подвиги, яко благовонными ароматы, душу твою облагоухал еси;

Радуйся,Радуйся, яко тую от страстей пагубных свободил еси.

Радуйся,Радуйся, духовную доброту соблюдый;

Радуйся,Радуйся, телесную чистоту сохранивый.

Радуйся,Радуйся, плоть свою возненавидевый;

Радуйся,Радуйся, вся красная мира сего презревый.

Радуйся,Радуйся, преподобне отче Аркадие, Новоторжский чудотворче.

Кондак 9

Весь от юности Господеви предался еси, преподобне Аркадие, и к Нему добродетелию приблизился еси, тленная бо яже на земли оставив, нетленное обрел еси богатство, и ныне во обителех небесных водворился еси со ангелы святыми и всеми праведниками, купно с ними ликовствуя и поя Богу: Аллилуия.

Икос 9

Витии земнороднии не возмогут по достоянию восхвалити досточудное житие твое, преподобне отче, твоя подвиги и добродетели, имиже дух твой возвысив, в горния скинии вселился еси. Мы же таковым дивящеся, во умилении сердец наших приносим ти хваления сия:

Радуйся,Радуйся, добродетельная маслино, в дому Божии возращенная;

Радуйся,Радуйся, шипок благовонный в пустынных удолиях процветший.

Радуйся,Радуйся, тленная вся земная оставивый;

Радуйся,Радуйся, нетленную славу от Господа восприявый.

Радуйся,Радуйся, граду нашему столпе непоколебимый;

Радуйся,Радуйся, обители нашея молитвенниче усердный.

Радуйся,Радуйся, небесных чертогов обитателю;

Радуйся,Радуйся, райских селений гражданине.

Радуйся,Радуйся, любовию твоею всех нас покрываяй;

Радуйся,Радуйся, исцеления неоскудно нам источаяй.

Радуйся,Радуйся, преподобие отче Аркадие, Новоторжский чудотворче.

Кондак 10

Спасение вечное восприим от Христа, Царя славы, Того моли, преподобне отче, да благочестно в сем веце поживше, в будущем наследие вечное обрящем, купно с тобою вопия Христу Богу: Аллилуия.

Икос 10

Стена еси и твердое заступление всем с молитвою притекающим к тебе, богомудре Аркадие; не презри убо и наша моления, с любовию к тебе возносимая, и предстательством твоим испроси у Христа Бога всем по коегождо потребе даровати, да зовем ти сице:

Радуйся,Радуйся, прошения наша добре исполняй;

Радуйся,Радуйся, всем нам скорую помощь подаваяй.

Радуйся,Радуйся, прибегающим к тебе скорый помощниче;

Радуйся,Радуйся, предивный чудотворче.

Радуйся,Радуйся, неусыпный о нас со ангелы предстателю;

Радуйся,Радуйся, на демонские полки победный воителю.

Радуйся,Радуйся, града Торжка пресветлый светильниче;

Радуйся,Радуйся, обители твоея крепкое ограждение.

Радуйся,Радуйся, елеем радования духовнаго нас умащаяй;

Радуйся,Радуйся, блистанием чудес твоих нас озаряяй.

Радуйся,Радуйся, преподобне отче Аркадие, Новоторжский чудотворче.

Кондак 11

Пение сие похвальное не презри, досточудне отче Аркадие, но приими е милостивно и покажи твое о нас отеческое милование; не можем бо по достоинству восхвалити тя, но елика возможем от усердия нашего дерзнухом, да тако восхваляюще тя, прославльшему тя Богу выну вопием: Аллилуия.

Икос 11

Светозарна светильника Церкви Своея яви тя Солнце Правды Христос Господь, преблаженне Аркадие, невещественным светом благодати Божией горяща и мглу неведения нашего озаряюща. Темже просим тя: просвети нас, омраченных греховными страстьми, да выну воспоем тебе:

Радуйся,Радуйся, звездо, на путь спасения приводящая;

Радуйся,Радуйся, деннице, просвещати Церковь Христову восшедшая.

Радуйся,Радуйся, яко свет учения Христова в сердце своем носил еси;

Радуйся,Радуйся, яко тем просвещаем, тьму страстей всегубительных разогнал еси.

Радуйся,Радуйся чудес дарований сподобивыйся;

Радуйся,Радуйся, во свете невечернем водворивыйся.

Радуйся,Радуйся, заблуждших путеводителю;

Радуйся,Радуйся, немощствующих исцелителю.

Радуйся,Радуйся, печальных утешителю;

Радуйся,Радуйся, помощниче наш и покровителю.

Радуйся,Радуйся, преподобне отче Аркадие, Новоторжский чудотворче.

Кондак 12

Благодатию данною ти от Бога, всех чтущих священную память твою и молитвенно тя призывающих, от бед избавляеши, недуги исцеляеши, ко спасению руководствуеши и научаеши со умилением и благодарением взывати к Богу: Аллилуия.

Икос 12

Поюще дивнаго во святых Бога, явльшего тя стране нашей чудотворца преславнаго, милостиваго ходатая и теплаго заступника, ублажаем пречудное житие твое, преподобне, и просим тя: буди молитвенник присный о нас пред Господем, да любовию вопием ти:

Радуйся,Радуйся, Царствия Христова наследниче;

Радуйся,Радуйся, чудотворений неиссякаемый источниче.

Радуйся,Радуйся, со ангелы Троице Пресвятей ныне предстояй;

Радуйся,Радуйся, венцем славы небесныя увенчанный.

Радуйся,Радуйся, яко благодатию Божиею благоухаеши;

Радуйся,Радуйся, яко тою мрак греховный разгоняеши.

Радуйся,Радуйся, яко верных сердца утверждаеши;

Радуйся,Радуйся, яко неверных ко Христу приводиши.

Радуйся,Радуйся, яко на земли и на небеси славу безсмертную достойно восприял еси;

Радуйся,Радуйся, яко радостей небесных сподобился еси.

Радуйся,Радуйся, преподобне отче Аркадие, Новоторжский чудотворче.

Кондак 13

О, великий угодниче Христов и преславный чудотворче, преподобне отче наш Аркадие, приими недостойное сие моление наше, с любовию ти приносимое, и благоприятными твоими к Богу молитвами огради обитель сию, град сей и всю страну нашу от междоусобий гибельных, от всяких зол и обстояний, от враг видимых и невидимых; даруй же нам в веце сем жития нашего исправление, заповедей Божиих соблюдение, в грядущем же вечных мук избавление и Царствия Христова наследие, да вкупе с тобою в скиниях небесных вопием Богу: Аллилуия.

Этот кондак читается трижды, затем икос 1-й и кондак 1-й

Молитва преподобному Аркадию Вяземскому и Новоторжскому

Небеснаго вертограда Христова юная лозо, Церкви Православныя похвало превознесенная, града и обители нашея крепкое забрало и утверждение, всех с верою и любовию притекающих к тебе тихая отрада и утешение, преподобне и богоносне отче наш Аркадие. Во дни тяжких зол, обышедших страну нашу, к тебе, яко к молитвеннику благодатному и скорому помощнику, усердно прибегаем и усердно просим тя: пролей теплое твое ходатайство ко Всемилостивому Спасу, да милостив будет к неправдам нашим, да утвердит миром и любовию страну нашу, град сей, обитель сию и вся грады и веси наши от всякаго злаго обстояния, от глада и пагубы и междоусобныя свары добре да сохранит; Церковь же Свою святую да избавит от лютаго гонения, от смертоносныя и душегубительныя язвы неверия, да укрепит и возрастит ю; всех же нас от обидящих и ненавидящих нас да свободит и вся полезная к временному житию и спасению вечному дарует твоим предстательством и заступлением, да тако прославится тобою пречестное и великолепое имя Святыя Троицы Отца и Сына и Святаго Духа во веки веков. Аминь.