Акафист Филермской иконе Божией Матери

Молитвы предначинательные

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй, 12,

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Кондак 1.

Образ Твой Царица Небесная, Преблагословенная, Дево Богородице всему миру явил чудное избавление от зол. Взирающе на него мы грешнии раби Твои восписуем: Богоизбранная Владычице, прославленная чудесами, Матерь Божия, Тебе возсылаем моления и к заступлению Твоему прибегаем кланяющеся: Радуйся, Матерь Божия, образом Филермским весь мир просвящающая

Икос 1.

Ангелы с Небесе и вся небесные воинства славят Тебе, Предстательница наша и мы с верою к Тебе прибегая глаголем:

Радуйся, Богородице душ наших спасение.

Радуйся, благ вечных жизнь подающая.

Радуйся, наших земных страданий и утешение.

Радуйся, к Богу возводящая, зовущая.

Радуйся, святыми молитвами нас утоляющая.

Радуйся, милосердие к нам светлое являющая.

Радуйся, Святым Твоим именем исцеляющая.

Радуйся, от бед и скорбей нас избавляющая.

Радуйся, Матерь Божия, образом Филермским весь мир просвящающая

Кондак 2.

Зряще чудеса исходящие от святые Твоея иконы поклоняемся святому Твоему образу Пречистая, упование на Тя возлагая, приносим Тебе малое моление, скорая Помощница и вопием к Богу: Аллилуия.

Икос 2.

В славе пребываеши, светом чудес светиши благодарственные приносим моления, Тебе Царицы Небесе и зовем Ти:

Радуйся, под покров Твой всех прибегающих.

Радуйся, избавление от зол нам всем дающая.

Радуйся, все козни вражия разоряющая.

Радуйся, щедротами всех нас посещающая.

Радуйся, веры православной великое утверждение.

Радуйся, скорбящих и плачущих просветительница.

Радуйся, обидимых всех скорое заступление.

Радуйся, спасению нашему вечному молитвенница.

Радуйся, Богородице людем подаяше вся.

Радуйся, исполнение всех дел благих.

Радуйся, Именем Христовым нас ублажающе.

Радуйся, Матерь Божия, образом Филермским весь мир просвящающая

Кондак 3.

Пресвятая Мати, молишися Христу Спасителю за спасение наше, образ нам явила терпения, покрываеши нас покровом честным, от всех бед спасаеши, молебная пения пред Тобою возносим, прославляюще Бога вопием Ему: Аллилуия.

Икос 3.

Предстательством Твоим священным утверди спасение православных, Ты бо есть ограждение и слава, зрим Твою честную икону Владычице, припадая величающе воспеваем Ти:

Радуйся, кающихся к Богу великое заступление.

Радуйся, Царица немощи наши врачующая.

Радуйся, Отца Небесного благословение.

Радуйся, надеждо всем наша, пристанище.

Радуйся, верных с Господом сочетавшая.

Радуйся, очищение многих согрешений.

Радуйся, крепкое наше утверждение.

Радуйся, наставнице к Богу приводящая.

Радуйся, присно молящаяся о нас.

Радуйся, печалей и скорбей утоление.

Радуйся, страсти наши укрощающая.

Радуйся, чистоты светлое промышление.

Радуйся, Матерь Божия, образом Филермским весь мир просвящающая

Кондак 4.

Ангельское естество, многоочии Херувимы и Серафимы похвально радуются Твоего воплощения внемли мольбам и слезам нашим, из глубины души вопием: испроси у Господа прощения грехов наших, даровати мир и спасение, да поем Богу: Аллилуия.

Икос 4.

Слышавше о чудесных исцелениях от образа Твоего Святого, от иконы Твоей чудотворной, что показал нам Господь, взираем с умилением, со слезами:

Радуйся, непрестанное уныние отгоняющая.

Радуйся, молитвы всех людей приемлющая.

Радуйся, от немощей всех избавляющая.

Радуйся, нетленную радость миру дающая.

Радуйся, в день судный наше защищение.

Радуйся, праведных слава и утешение.

Радуйся, всему миру благосострадательная.

Радуйся, благовонное миро призывающих Тя.

Радуйся, негасимая свеща благочестия.

Радуйся, чистоты и целомудрия Пречистая.

Радуйся, православных радостное слышание.

Радуйся, нам милостей Господних источниче.

Радуйся, Матерь Божия, образом Филермским весь мир просвящающая

Кондак 5.

Сила Вышняго благоволила еси явити икону чудотворную Филермскую и чудесы ю прославляющи, многие слезно пред нею моляшеся видят путь спасения и укрепление до конца живота, и воспевают Богу благодарственными устами: Аллилуия.

Ирмос 5.

Воистину Помощнице сильне и непобедиме, люди Твоя приносят молитвы, избавити нас от всех бед и напастей, осветиши светом чудес и милостей, яко Честнейшую Херувим и Славнейшую без сравнения Серафим величают Тя:

Радуйся, Мати Бога Вышняго.

Радуйся, Церкве Православныя похвало.

Радуйся, Заступнице усердная.

Радуйся, с любовью к нам являющая.

Радуйся, осененная силою Вышняго.

Радуйся, прославлюящих Тя прославляющая.

Радуйся, Невесто Неневестная.

Радуйся, Богоизбранная Отроковице Мати Дево.

Радуйся, прочих болезней Исцелительница.

Радуйся, жезле монахов и всех православных Христиан.

Радуйся, двери райские отверзающая.

Радуйся, за род человеческий молитвенница.

Радуйся, Матерь Божия, образом Филермским весь мир просвящающая

Кондак 6.

С небес исцеление принесши, явила неизреченное к людям милосердие, видящи Пресвятая Владычице, скорби, муки, и сердечное покаяние людей. Со слезами молим Тя, Пречистая, избави от греховного падения, научи нас воздержанию, научи воспевати хвалу Богу: Аллилуия.

Икос 6.

Все упование возлагают людие на Тя, Владычице. Отведи от погибели нас грешных, от тяжких недугов и скорбей. Мы же благодаряще Тя, преклоняем колена пред Твоим Пречистым образом глаголя:

Радуйся, всеблагая наше Помощнице.

Радуйся, губительные страсти разрушающая.

Радуйся, милосердие к падшим являющая.

Радуйся, надеждою нас увеселяющая.

Радуйся, все грехи наша потопляющая.

Радуйся, все наша прошения исполняющая.

Радуйся, нечистую совесть нашу очищающая.

Радуйся, к покаянию и вразумлению призывающая.

Радуйся, Богородице Дево гордых смиряющая.

Радуйся, Мати смиренныя возвышающая.

Радуйся, Радость миру всему родившая.

Радуйся, яко Ангелы всему радуются.

Радуйся, Матерь Божия, образом Филермским весь мир просвящающая

Кондак 7.

Преблагословенная Мати Дево, усердное Твое моление перед Сыном Твоим и Творцом ,показывает человеку беззаконну всю Благость Господню, силу молитвы Ходатаицы и милосердия бездну. Возведем же и мы ум и сердце на Небеса поюще Богу: Аллилуия.

Икос 7.

Матернее милосердие роду Христианскому показавшая, славословие приносим Тебе Владычице, подаеши руку помощи Ты нам грешным, воспеваем Ти сице:

Радуйся, яко пламень страстей наших угашаеши.

Радуйся, от вечного мучения избавляющая.

Радуйся, болезней телесных Исцелительница.

Радуйся, премудрости Божия откровение.

Радуйся, всегда нам Матернюю любовь являющая.

Радуйся, гнев Божий молением утоляеши.

Радуйся, всех христиан теплая Ходатаице.

Радуйся, благодатию терпения снабдевающая.

Радуйся, от греховных желаний нас отвращающая.

Радуйся, нечаемое исцеление и укрепление.

Радуйся, грешников вразумление и спасение.

Радуйся, обидимым, и гонимым неправедно заступление.

Радуйся, Матерь Божия, образом Филермским весь мир просвящающая

Кондак 8.

Вси православные люди, сословие архиереев, монаси и мирстии преклоняются пред Пречистым Твоим образом, проповедуя великия Твоя милости, со слезами приносят Ти молитвы, воистину воспевают к Богу: Аллилуия.

Икос 8.

Не оставляеши Ты земных, Богомати, благодарственное пение приносим Тебе Богородице, поюще Твоя чудеса, со страхом и верою, любовию припадающе пред честною иконою Твоею вопием:

Радуйся, сугубо милость нам подающая.

Радуйся, Ходотайством грехи нам прощающая.

Радуйся, в нуждах нам помогающая.

Радуйся, скорби наши разрушающая.

Радуйся, от нечаянныя смерти спасающая.

Радуйся, светом Солнца нас просвещающая.

Радуйся, двери Небесные нам отверзающая.

Радуйся, учение благодати всем источающая.

Радуйся, дух покаяния всем подающая.

Радуйся, благочестие и крепость во искушениях.

Радуйся, милость и правосудие всем являющая.

Радуйся, от смертоносных язв и болезней исцеляющая.

Радуйся, Матерь Божия, образом Филермским весь мир просвящающая

Кондак 9.

Не призри похвальное пение наше, с усердием Тебе приносимое, не отврати лика Своего от надеющихся на Тя, прибегающих к Тебе, да возможем праведно пети Богу: Аллилуия.

Икос 9.

Пречистая Владычице поклоняемся чудотворной иконе Твоей, ибо Ты подаеши телесное и духовное здравие, врачуеши язвы, всем усердно молящимся Тебе. Сего ради вопием Ти:

Радуйся, помоще верно молящихся Тебе.

Радуйся, наставнице целомудрия и человеков исправление.

Радуйся, от смертных бед нас спасающая.

Радуйся, геены вечныя избавляющая.

Радуйся, вся прошения наша во благое исполняющая.

Радуйся: полезная во временной жизни нам подающая.

Радуйся, не чтущих Тя посрамляющая.

Радуйся, вретище скорби наши растерзающая.

Радуйся, Матерь Божия, образом Филермским весь мир просвящающая

Кондак 10.

Прими всякого человека Небесная Царица, молящегося Тебе, славящего Тя, призывающаго имя Твое, прими от них всякое моление Заступница вопиющих: Аллилуия.

Икос 10.

Хвалим Тя, и молящеся Тебе со умилением веруем и исповедуем, яко испросиши благая временная и вечная воспевающим Ти:

Радуйся, в вере благочестивых сохраняющая.

Радуйся, непрестанно Тя почитающим помогающая.

Радуйся, моления наша Твоим благоуханием исправляющая.

Радуйся, неможение наше врачующая.

Радуйся, смертное наше естество безсмертием просветившая.

Радуйся, Бога и человека соединившая.

Радуйся, немым и косноязычным словеса отверзающая.

Радуйся, врагов наших видимых и невидимых побеждающая.

Радуйся, Матерь Божия, образом Филермским весь мир просвящающая

Кондак 11.

Господь Человеколюбец Матерь Свою дарова земным на на помощь ибо спасти род человеческий от прелести вражия Покровительница наша, Тебе зовем: Аллилуия.

Икос 11.

Великое светило посреде чинов Ангельских блистающася, озари лучами света Твоего всех нас грешных вопиющих Ти сице:

Радуйся, яже Тебе с верою прославляют земнороднии.

Радуйся, всесветлаго мира горняго предивное украшение.

Радуйся, замыслы злобнии сокрушающая.

Радуйся, неверных на стезю истины направляющая.

Радуйся, от Престола Вседержителя радость приносящая.

Радуйся, душевредных помыслов искореняющая.

Радуйся, в вере христианской нас утверждающая.

Радуйся, Божию благодатию прославляющая.

Радуйся, Матерь Божия, образом Филермским весь мир просвящающая

Кондак 12.

Благодать Божественную испроси у Сына Твоего и Бога, мы же грешнии ожидаем Твоея великия милости вопиюще к Богу: Аллилуия.

Икос 12.

Видеша народи чудеса силы Твоея от иконы чудотворной, Образа чистого, с кротостию взываем сице:

Радуйся, христианского рода возвышение.

Радуйся, многия и великия чудеса подающая.

Радуйся, славою и велелепием украшенная.

Радуйся, телес наших целебниче.

Радуйся, чистотою Твоею к Богу приближающая.

Радуйся, едино имущая попечение о страждущих.

Радуйся, врачевание больным низпосылающая.

Радуйся, узы греховныя скоро разрушающая.

Радуйся, Матерь Божия, образом Филермским весь мир просвящающая

Кондак 13.

О, Всепетая Мати, рождшая всех святых Святейшее Слово! Приими нынешнее приношение, малое сие моление, величия ради благости Твоея, услыши глас скорбящих раб Твоих и, избави нас от скорбей и вечного осуждения, всяку злобу отжени от нас, исполни во благих прошения наша, подавающи души спасение и будущия изми муки о Тебе вопиющих: Аллилуия.

Этот конда́к читается трижды, затем и́кос 1-й и конда́к 1-й.

Молитва.

О, Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: подаждь утешение, не отврати лица Твоего от прибегающих к Тебе, Ты едина еси радости нашея Ходатаица, всесильная христиан Помощница и Заступница. Даруй нам дух сокрушения, смирение сердца, чистоту помышлений. Спаси молитвами Твоими Владычице, сию Тебе посвященную паству от неверия, ересей и раскола, междоусобныя брани, благоволением Единородного Сына и Бога Твоего, Емуже подобает всякая слава, честь и поклонение, со Безначальным Его Отцем и Животворящим Его Духом, ныне и присно, и во веки веков! Аминь.