Акафист иконе Божией Матери «Августовская Победа»

Молитвы предначинательные

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй, 12,

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Кондак 1

Взбранной Воеводе победительная, яко избавльшая от гибели в лесу Августовском Христолюбивое воинство русское, благодарственно взываем Ти: яко имущая державу непобедимую, от всяких нас бед свободи, зовущих:

Радуйся, Матерь Божия «Августовская Победа», верным в бранях помогающая.

Икос 1

Яко в лета древние, тако и ныне Христианам помощница и защитница явилася еси, Пресвятая Дева, не остави и нас, взывающих Ти:

Радуйся, в бранях с супостатами помогающая;

Радуйся, Крестным знамением врагов наших устрашающая;

Радуйся, Царица Небесная, на земли воинствующим помощница скорая;

Радуйся, в видении русским воинам явившаяся;

Радуйся, воинств чуждых сокрушение;

Радуйся, русских сил умножение;

Радуйся, Матерь Божия «Августовская Победа», верным в бранях помогающая.

Кондак 2

Во дни лютой брани с полчищами германскими, поднявшимися от западных предел славянское знамя растоптать, корону русскую сокрушить и народы Православные поработить, явилась в ночном небе в лесу Августовском русским ратникам Царица Небесная, на ополчение против иноверных призывающая. Мы же, чудное знамение сие прославляющие, к чудес подателю Богу взываем: Аллилуиа.

Икос 2

В звездном небе, яко яркая звезда воссияла еси, Пресвятая Дева, русским воинам в сиянии Креста явившаяся и на запад путь им указавшая, и в сердца их мужество вселившая. Мы же, милости Твоей дивящеся, в умилении сердец наших взываем:

Радуйся, страну Российскую, яко Дом Свой, святыми иконами дивно украшающая;

Радуйся, образами Своими вся пределы Российские чудесно защищающая;

Радуйся, в Доме Своем людям чуждым владычествовать возбраняющая;

Радуйся, Сына Твоего о нас молящая;

Радуйся, яко звезда в нощи греховной блуждающим сияющая;

Радуйся, яко гром врагов устрашающая.

Радуйся, Матерь Божия «Августовская Победа», верным в бранях помогающая.

Кондак 3

Яко пресветлая звезда воссиял в ночи скорбей Твой дивный образ, Богородица. И люди русские, видение сие зрящие, в благоговении колена своя преклоняют и крестное знамение творят, и к Богу взывают: Аллилуиа.

Икос 3

Радость и ликование объяли сердца русских воинов, когда узрели в небе Царицу Небесную с Богомладенцем Христом, десницею Своею им путь на запад указующую и к битве с супостатом призывающую. Мы же, колена сердец своих преклоньше, радостно Тебе поем:

Радуйся, окруженных врагами от плена свобождающая;

Радуйся, страждущих от неисцельных ран исцеляющая;

Радуйся, отчаявшимся надежду подающая;

Радуйся, за Отечество павших венцами нетленными венчающая;

Радуйся, в скорбях нас утешающая;

Радуйся, молитвам нашим внемлющая.

Радуйся, Матерь Божия «Августовская Победа», верным в бранях помогающая.

Кондак 4

Ангелы на небесах удивились, видя мужество людей русских в Августовском лесу на поле брани малым числом победу над полчищами неприятельскими одержавших. Русские же ратники не себе, но Царице Небесной славу воздают, и в радости Богу поют: Аллилуиа.

Икос 4

Яко Гедеон, предводитель воинства Израильского, малым числом победу над врагами одержал, дабы не себе, но Богу воздали славу сыны иудейские, тако и ныне Новый Израиль в Августовском лесу малым числом неисчислимые полчища германские поборол, врагов вспять обратил, землю Польскую своей победою изумил, Царице Небесной победно воспевающе:

Радуйся, врагов наших вспять обращающая;

Радуйся, воинству русскому победу дающая;

Радуйся, пред Престолом Божиим за нас ходатайствующая;

Радуйся, побежденных милующая;

Радуйся, вражию гордыню сокрушающая;

Радуйся, победами людей Своих прославляющая;

Радуйся, Матерь Божия «Августовская Победа», верным в бранях помогающая.

Кондак 5

И в наши дни по молитвам матерей и жен пред Пречистым образом Твоим, «Августовская победа» именуемым, русским воинам во бранях помощь подаешь, от агарянского пленения избавляешь, Мати Света. В далекой Сибири материнскую молитву пред иконою Твоей услышавшая, и сына ее в Кавказскоих горах дивным явлением Своим от внезапной смерти защитившая, и этим чудом икону «Августовская победа» вновь прославившая, ныне и нас призываешь сей образ прославлять и к Богу взывать: Аллилуия.

Икос 5

Яко на крыльях голубиных долетела весть о победе Августовской до Благоверного Православного Государя Николая Александровича и до Святителя Московского Макария. Они же победе той возрадовались, Богу славу воздали, Царицу Небесную возблагодарили. И повелели по всей Державе Российской иконы о сем явлении писать. Ныне же и мы на те иконы взирающе Царице Небесной поем:

Радуйся, Державы Русской охранительница;

Радуйся, Православных Государей покровительница;

Радуйся, народа русского заступница и утешительница;

Радуйся, в дни лихолетий и смут страны нашей правительница;

Радуйся, в дни браней за Святую Русь воительница;

Радуйся, рубежей наших защитница.

Радуйся, Матерь Божия «Августовская Победа», верным в бранях помогающая.

Кондак 6

Не только в битве Августовской, но и во все времена русским воинам незримую помощь даровала еси, Богородице. Мы же Твои неисчетные милости к нам воспоминающе, Богу победную песнь поем: Аллилуиа.

Икос 6

Во дни испытаний и смут, нашествия иноплеменных и междоусобных браней к Тебе, Пречистая Дева, взываем мы и поем:

Радуйся, от конечного разорения татарского землю русскую избавившая;

Радуйся, у стен осажденных градов наших русским воинам являвшаяся и на бой их поднимавшая;

Радуйся, во время Смуты русскому ополчению незримую помощь Свыше даровавшая;

Радуйся, двунадесять язык от пределов Российских отгнавшая;

Радуйся, над Царицын-градом во второе германское нашествие в небе победно явившаяся;

Радуйся, междоусобную брань в русской столице дивно прекратившая;

Радуйся, Матерь Божия «Августовская Победа», верным в бранях помогающая.

Кондак 7

В сердце земли Русской – Первопрестольной столице – в Храме Христа Спасителя Твоя икона Августовская Победа просияла еси, Богородице, мы же на тот образ Твой молящеся, Богу победно поем: Аллилуиа.

Икос 7

Во дни же бед, поражений и смут, егда чуждые восставали на нас, глаголя: «Святой Руси более не быти», – Ты даровала нам Образ Свой святой, Августовской Победой именуемый, мы же на тот образ молящеся, благодарственно взываем Ти:

Радуйся, Русь уделом Своим избравшая;

Радуйся, в дивном Дивеево последний Свой удел основавшая;

Радуйся, мощи Святого Серафима в Уделе Своем всему миру явившая;

Радуйся, всех верных на последнюю брань собирающая;

Радуйся, воинству русскому незримо предводительствующая;

Радуйся, Ангелов воинства в помощь нам посылающая;

Радуйся, Матерь Божия «Августовская Победа», верным в бранях помогающая.

Кондак 8

Спал с неба прегордый Денница, егда Архистратиг славы Божией Михаил в Поднебесной под знамя свое Ангелов воинство необозримое собрал. Тако и ныне Христолюбивое воинство Православное под водительством Владычицы Богородицы на земли ту брань с полками тьмы ведет дабы и на земли, яко на небеси, Богу победно взывать: Аллилуиа.

Икос 8

Явилась в небе в лесу Августовском Царица Небесная, дабы русских воинов укрепить, их руками победу совершить, мы же Августовскую победу вспоминающе, к Тебе умильно глаголем:

Радуйся, без нашей воли нас не защищающая;

Радуйся, нашими руками победы творящая;

Радуйся, верным Своим в видениях и сониях являющаяся;

Радуйся, роду русскому помогающая;

Радуйся, избранным священством и народом святым его именующая;

Радуйся, в день вынужденного отречения Государя скипетр и державу из его рук приявшая;

Радуйся, Матерь Божия «Августовская Победа», верным в бранях помогающая.

Кондак 9

Звезды небесные в изумлении и трепете расступились, когда Ты, Богородица, яко дивное знамение в ночном небе русским воинам явилась и души их ободрила еси, устами, умом и сердцем к Творцу Небес и земли взывающим: Аллилуиа.

Икос 9

Яви милость Твою нам в ночи скорбей, яко Пресветлая Звезда, разгоняющая мглу ночную, Царица Небесная и Мати Света! Вдохни в сердце верных Твоих упование на Сына Твоего Христа Бога нашего и научи нас среди скорбей и бед, яко среди тьмы ночной, пети Тебе радостно:

Радуйся, в яслех Вифлеемских ночью Сына Божия пеленами повившая;

Радуйся, пастухами и волхвами в Вифлееме ночью радостно сретенная;

Радуйся, землю языческую, яко тьму египетскую, сиянием Сына Своего осветившая;

Радуйся, и в затмении солнца Сына Своего на Кресте распята не оставившая, окровавленные ноги Его слезами омывшая;

Радуйся, власть тьмы и ночь скорбей преодолевшая, Воскресшего Сына утром сретившая;

Радуйся, русским воинам в ночи явившаяся и небо сиянием Креста озарившая;

Радуйся, Матерь Божия «Августовская Победа», верным в бранях помогающая.

Кондак 10

В ночь перед битвой русским воинам явила милость Свою, Богородице, благословение на брань с врагами отечества нашего с Небес пославшая и тем победу предвозвестившая. Мы же, чудо великое прославляюще, Богу победную песнь поем: Аллилуйя!

Икос 10

Витии многовещанные недоумеют и не могут изъяснить сие неизреченное видение Богородицы и как русские воины малым числом полчища германские побороли и подвигом своим ход великой войны изменили; мы же, ту победу прославляюще, Владычице нашей Богородице славу поем:

Радуйся, Апостола Иоанна Богослова у Креста Господня усыновившая;

Радуйся, в его лице весь род Христианский под Свой Материнский покров приявшая;

Радуйся, народ русский из всех народов избравшая;

Радуйся, от купели днепровской ему крестной Матерью ставшая;

Радуйся, прегрешения наши Своей материнской любовью покрывающая;

Радуйся, Владычица Державная, страну нашу от лютых бед и напастей защищающая;

Радуйся, Матерь Божия «Августовская Победа», верным в бранях помогающая.

Кондак 11

Плач и стенания воцарились в стране нашей, поруганы слава и честь воинства Православного, забыли русские люди Твою икону Августовская Победа и лишь малый остаток верных память о сем видении сохранил, но Ты, Царица Небесная, Сама о той славной победе нам напоминаешь и на брань за землю Русскую людей Своих призываешь, в сердца наши надежду и мужество вселяешь и призываешь нас едиными усты и единым сердцем Богу победно петь: Аллилуиа.

Икос 11

«Сим победиши» – взывают Небо и звезды к Царю Константину, над нечестивым Максентием победу одержавшему и знамение Креста на оружии латников своих изобразившему, яко сила Креста Животворящего все побеждает и полчища вражеские сокрушает. Ты же, Царица Богородица, о силе Креста нам напоминаешь, когда в небе со знамением Креста нам являешися. Мы же, Крестное знамение на чело свое налагающе, Тебе поем:

Радуйся, Крестной силой Божией вражью силу побеждающая;

Радуйся, язвою бесов не напрасно именуемая;

Радуйся, на иконе Своей на брань чудесно поспешающая;

Радуйся, воинству Православному Покров Свой дарующая;

Радуйся, монашеству в несении скорбей незримо помогающая;

Радуйся, Крестоносный народ русский воедино собирающая;

Радуйся, Матерь Божия «Августовская Победа», верным в бранях помогающая.

Кондак 12

Не на земли только, но и в Небесном Иерусалиме Царь-Мученик Николай и Святитель Московский Макарий икону «Августовская победа» ныне прославляют, и с ними все воины русские, в Августовском лесу жизни свои за Отечество положившие и тем нетленных венцов сподобившиеся, Богу поют: Аллилуиа.

Икос 12

Во дни духовной брани Царица Небесная иконою Своею «Августовская Победа» уже не малое войско только, но весь народ наш на битву за Веру и Отечество поднимает, в малодушные сердца наши мужество вселяет, мы же сей призыв услышавши, благодарственно поем:

Радуйся, Нерушимая Стено, землю нашу ограждающая;

Радуйся, Взыскание погибших, грешных к покаянию зовущая;

Радуйся, Нечаянную Радость нам дающая;

Радуйся, Неупиваемая Чаше благодати Божией;

Радуйся, Неувядаемый Цвете, семьи наши укрепляющая;

Радуйся, Скорбящих Радосте, силу немощным дающая;

Радуйся, Матерь Божия «Августовская Победа», верным в бранях помогающая.

Кондак 13

О, Владычице Богородице, Августовскою Победой нарекшаяся во святой иконе Твоей, Богородице Марие! Приими милостиво сие малое моление наше и умоли Сына Твоего Господа Иисуса Христа помиловать землю Русскую и избавить от нашествия иноплеменных и от безбожныя власти, нас же да сподобит во Царствии Небесном со всеми русскими воинами на поле брани убиенными и со всеми святыми Богу петь: Аллилуиа.

Этот конда́к читается трижды, затем и́кос 1-й и конда́к 1-й.