Кому молиться в болезнях и житейских нуждах

Святые, хадатайствующие к Богу об исцелении и помощи. Кому молиться?

Оглавление

При материнского молока для кормления детей

молятся святым:

Преподобному Ипатию Печерскому, целебнику (31 марта/13 апреля).

Об этом святом в Прологе сказано: "жены безкормны... млеко точити сотвори".

Молитвы

Преподобному Печерскому единому

Тропарь, глас 8:

Посто́м ду́шу твою́ просвети́л еси́,/ моли́твами непреста́нными се́рдце твое́ сосу́д Ду́ха Свята́го соде́лал еси́,/ преподо́бне о́тче наш Ипатие,/ те́мже вся вра́жия ополче́ния кре́пко посрами́л еси́/ и, я́ко победоно́сец и́стинный, воздая́ния получи́л еси́ от Христа́ Бо́га.// Тому́ помоли́ся о душа́х на́ших.

Тропарь, глас 2:

Ве́лия ве́ры исправле́ния, / в пеще́рнем затво́ре, я́ко на воде́ упокое́ния, / преподо́бне о́тче Ипатие, ра́довался еси́, / огне́м бо любве́ Боже́ственныя распаля́емь, / бде́нием и моли́твою безстра́стия дости́гл еси́ / и яви́лся еси́ равноа́нгельный на земли́. // Того́ моли́твами, Христе́ Бо́же, спаси́ ду́ши на́ша.

Кондак, глас 8:

Христо́вою любо́вию уязви́в ду́шу,/ преподо́бне о́тче наш Ипатие,/ в пеще́рнем мра́це свет спасе́ния обре́л еси́/ и, я́ко ча́до избра́нное вели́ких отце́в Пече́рских Анто́ния и Феодо́сия,/ вку́пе с ни́ми оби́тель ра́йскую унасле́довал еси́,/ отону́дуже призира́й ны́не на оби́тель земну́ю, в не́йже подвиза́лся еси́,/ и моли́ся о чту́щих па́мять твою́, да зове́м ти:// ра́дуйся, Ипатие, моли́твенниче о душа́х на́ших.

Величание

Ублажа́ем тя, / преподо́бне о́тче Ипатие, / и чтим святу́ю па́мять твою́, / наста́вниче мона́хов // и собесе́дниче А́нгелов.

Молитва

О свяще́нная главо́, преподо́бне о́тче, преблаже́нне а́вво Ипатие, не забу́ди убо́гих твои́х до конца́, но помина́й нас всегда́ во святы́х и благоприя́тных моли́твах к Бо́гу: помяни́ ста́до твое́, е́же сам упа́сл еси́, и не забу́ди посеща́ти чад твои́х моли́ за ны, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́: не премолчи́ за ны ко Го́споду, и не пре́зри нас, ве́рою и любо́вию чту́щих тя: помина́й нас недосто́йных у Престо́ла Вседержи́телева, и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо те́лом и преста́вился еси́ от нас, но и по сме́рти жив сый пребыва́еши, не отступа́й от нас ду́хом, сохраня́я нас от стрел вра́жиих и вся́кия пре́лести бесо́вския и ко́зней диа́вольских, па́стырю наш до́брый. А́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ ду́ша со а́нгельскими во́инствы, со безпло́тными ли́ки, с небе́сными си́лами, у престо́ла Вседержи́телева предстоя́щи, досто́йно весели́тся, ве́дуще у́бо тя вои́стину и по сме́рти жи́ва су́ща, тебе́ припа́даем и тебе́ мо́лимся: моли́ся о нас Всеси́льному Бо́гу, о по́льзе душ на́ших, и испроси́ нам вре́мя на покая́ние, да невозбра́нно пре́йдем от земли́ на Не́бо, от мыта́рств же го́рьких, бесо́в возду́шных князе́й и от ве́чныя му́ки да изба́вимся, и Небе́снаго Ца́рствия насле́дницы да бу́дем со все́ми пра́ведными, от ве́ка угоди́вшими Го́споду на́шему Иису́су Христу́: Ему́ же подоба́ет вся́кая сла́ва, честь и поклоне́ние, со Безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.