Кому молиться в болезнях и житейских нуждах

Святые, хадатайствующие к Богу об исцелении и помощи. Кому молиться?

Оглавление

Об исцелении от смертельной язвы

молятся святым:

Святителю Василию Новгородскому (23 июля/5 августа).

Во времена Василия, язва, известная под названием черной смерти, свирепствовала в России. В 1352 году она открылась в Пскове с такою силою, что едва осталась третья часть жителей. Болезнь обнаруживалась железами в мягких впадинах тела. Человек харкал кровью и на второй или третий день умирал.

Святитель пренебрег опасностью заразы, явился в Псков и успокоил жителей. Вкусив сладость христианского общения, преподанного архипастырем, они спокойно ждали конца своему бедствию: оно прекратилось в начале зимы. Мощи святого Василия почивают в Софийском соборе в Новгороде.

Молитвы

Святителю Василию Новгородскому

Тропарь, глас 4:

Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́,/ я́же веще́й и́стина:/ сего́ ра́ди стяжа́л еси́ смире́нием высо́кая,/ нището́ю бога́тая,/ о́тче Василие,/ моли́ Христа́ Бо́га// спасти́ся душа́м на́шим.

Кондак, глас 2:

Боже́ственный гром, труба́ духо́вная,/ ве́ры насади́телю, и отсека́телю е́ресей,/ Тро́ицы уго́дниче, вели́кий святи́телю Василие,/ со А́нгелы предстоя́ при́сно,// моли́ непреста́нно о всех нас.

Величание

Велича́ем тя, / святи́телю о́тче Василие, / и чтим святу́ю па́мять твою́, / ты бо мо́лиши о нас // Христа́ Бо́га на́шего.

Молитва

О пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Василие, предстоя́ у Престо́ла всех Царя́ и наслажда́яся све́та единосу́щныя Тро́ицы и херуви́мски со А́нгелы возглаша́я песнь трисвяту́ю, вели́кое же и неизсле́дованное дерзнове́ние име́я ко всеми́лостивому Влады́це, моли́ спасти́ся па́ствы Христо́вы лю́дем, благостоя́ние святы́х церкве́й утверди́: архиере́и благоле́пием святи́тельства украси́, мона́шествующыя к по́двигом до́браго тече́ния укрепи́, ца́рствующий град и вся гра́ды и страны до́бре сохрани́, и ве́ру святу́ю непоро́чну соблюсти́ умоли́, мир весь предста́тельством твои́м умири́, от гла́да и па́губы изба́ви ны, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, си́роты заступи́, младе́нцы возрасти́, пле́нных возврати́, немощству́ющыя и моля́щияся тебе́ от всех напа́стей и бед хода́тайством твои́м свободи́: моли́ о нас Всеще́драго и Человеколюби́ваго Христа́ Бо́га на́шего, да и в день Стра́шнаго Прише́ствия Его́ от шу́ияго стоя́ния изба́вит нас, и ра́дости святы́х прича́стники сотвори́т со все́ми святы́ми во ве́ки веко́в. Ами́нь.