Шрифт

▲

Богослужебные тексты для домашнего употребления

Молебны и последования

Последование Краткого Пасхального молебна. Для домашнего (келейного) совершения

Оглавление

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Тропарь Пасхи, во глас 5:

Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (Трижды)

Пасхальное начало:

Первый стих: Да воскре́снет Бог, / и расточа́тся врази́ Его́.

Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (единожды).

Вторый стих: Я́ко исчеза́ет дым, / да исче́знут.

Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (единожды).

Третий стих: Та́ко да поги́бнут гре́шницы от Лица́ Бо́жия, / а пра́ведницы да возвеселя́тся.

Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (единожды).

Четвертый стих: Сей день, его́же сотвори́ Госпо́дь, / возра́дуемся и возвесели́мся в онь.

Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (единожды).

Сла́ва Отцу́ и Сы́ну и Свято́му Ду́ху: Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (единожды).

И ны́не и при́сно и во ве́ки веко́в. Ами́нь: Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (единожды).

Таже вышшим гласом: Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в.

Запевы канона Пасхи со ирмосами.

Песнь 1.

Ирмос: Воскресе́ния день, / просветимся, людие. / Пасха, Госпо́дня Па́сха, / от сме́рти бо к жизни, / и от земли́ к небеси, / Христос Бог нас преведе, / победную поющия.

Припев: Христо́с воскре́се из ме́ртвых.

Припев: Сла́ва Отцу́ и Сы́ну и Свято́му Ду́ху.

Припев: И ны́не и при́сно и во ве́ки веко́в. Ами́нь.

Песнь 3.

Ирмос: Приидите, пиво пием новое, / не от камене неплодна чудодеемое, / но нетления источник / из гроба одождивша Христа́, / в Немже утверждаемся.

Припев: Христо́с воскре́се из ме́ртвых.

Припев: Сла́ва Отцу́ и Сы́ну и Свято́му Ду́ху.

Припев: И ны́не и при́сно и во ве́ки веко́в. Ами́нь.

Песнь 4.

Ирмос: На Боже́ственней стражи / богоглаголивый Аввакум / да ста́нет с на́ми и пока́жет / светоно́сна А́нгела / ясно глаголюща: / днесь спасение миру, / яко воскресе Христос, / яко всесилен.

Припев: Христо́с воскре́се из ме́ртвых.

Припев: Сла́ва Отцу́ и Сы́ну и Свято́му Ду́ху.

Припев: И ны́не и при́сно и во ве́ки веко́в. Ами́нь.

Песнь 5.

Ирмос: У́тренюем утреннюю глубоку, / и вместо мира песнь принесем Владыце, / и Христа́ узрим / правды Солнце, / всем жизнь возсияюща.

Припев: Христо́с воскре́се из ме́ртвых.

Припев: Сла́ва Отцу́ и Сы́ну и Свято́му Ду́ху.

Припев: И ны́не и при́сно и во ве́ки веко́в. Ами́нь.

Песнь 6.

Ирмос: Снизше́л еси́ в преиспо́дняя земли́, / и сокруши́л еси́ вереи́ ве́чныя, / содержа́щия свя́занныя, Христе́, / и тридне́вен, я́ко от ки́та Ио́на, / воскре́сл еси́ от гро́ба.

Припев: Христо́с воскре́се из ме́ртвых.

Припев: Сла́ва Отцу́ и Сы́ну и Свято́му Ду́ху.

Припев: И ны́не и при́сно и во ве́ки веко́в. Ами́нь.

Таже кондак, глас 8:

А́ще и во гроб снизше́л еси́, Безсме́ртне, / но а́дову разруши́л еси́ си́лу, / и воскре́сл еси́, я́ко победитель, Христе́ Бо́же, / жена́м мироно́сицам веща́вый: ра́дуйтеся, / и Твои́м апо́столом мир да́руяй, / па́дшим подая́й воскресе́ние.

Икос: Е́же пре́жде со́лнца Со́лнце заше́дшее иногда́ во гроб, / предвари́ша ко у́тру, и́щущия я́ко дне мироно́сицы де́вы, / и друга́ ко друзе́й вопия́ху: / о други́ни! Прииди́те, воня́ми пома́жем те́ло живоно́сное и погребе́ное, / плоть воскреси́вшаго па́дшаго Ада́ма, лежа́щую во гро́бе. / И́дем, потщи́мся я́коже волсви́, и поклони́мся, / и принесе́м мира я́ко да́ры, не в пелена́х, но в плащани́це обви́тому, / и пла́чим, и возопии́м: о Влады́ко, воста́ни, / па́дшим подая́й воскресе́ние.

Таже глаголем:

Воскресе́ние Христово видевше, / поклонимся Святому Господу Иисусу, / единому безгрешному, / Кресту Твоему покланяемся, Христе́, / и святое Воскресе́ние Твое́ поем и славим: / Ты бо еси́ Бог наш, / разве Тебе́ иного не знаем, / имя Твое́ именуем. / Приидите вси вернии, / поклонимся Святому Христову Воскресе́нию: / се бо прииде Крестом радость всему миру. / Всегда благословяще Господа, / поем Воскресе́ние Его́: / распятие бо претерпев, / смертию смерть разруши.

Воскрес Иисус от гроба, / якоже прорече, / даде нам живот вечный / и велию милость.

Песнь 7.

Ирмос: О́троки от пещи избавивый, / быв Человек, / страждет яко смертен, / и страстию смертное, / в нетления облачит благолепие, / Един благословен / отцев Бог, и препрославлен.

Припев: Христо́с воскре́се из ме́ртвых.

Припев: Сла́ва Отцу́ и Сы́ну и Свято́му Ду́ху.

Припев: И ны́не и при́сно и во ве́ки веко́в. Ами́нь.

Песнь 8.

Ирмос: Сей нарече́нный и святы́й день, / Еди́н суббо́т Царь и Госпо́дь, / пра́здников пра́здник / и торжество́ есть торже́ств, / во́ньже благослови́м Христа́ во ве́ки.

Припев: Христо́с воскре́се из ме́ртвых.

Припев: Сла́ва Отцу́ и Сы́ну и Свято́му Ду́ху.

Припев: И ны́не и при́сно и во ве́ки веко́в. Ами́нь.

Песнь 9.

Ирмос: Свети́ся, свети́ся, / но́вый Иерусали́ме, / сла́ва бо Госпо́дня / на тебе́ возсия́. / Лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.

Припев: Христо́с воскре́се из ме́ртвых.

Припев: Сла́ва Отцу́ и Сы́ну и Свято́му Ду́ху.

Припев: И ны́не и при́сно и во ве́ки веко́в. Ами́нь.

Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (Трижды)

Ипакои, глас 4:

Предвари́вшия у́тро я́же о Мари́и, / и обре́тшия ка́мень отвале́н от гро́ба, / слы́шаху от А́нгела: во све́те присносу́щнем Су́щаго, / с ме́ртвыми что и́щете, я́ко челове́ка? / Ви́дите гро́бныя пелены́, тецы́те и ми́ру пропове́дите, / я́ко воста́ Госпо́дь, умертви́вый смерть, / я́ко есть Сын Бо́га, спаса́ющаго род челове́ческий.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Кондак, глас 8:

Задостойник Пасхи:

А́нгел вопия́ше Благода́тней: / Чи́стая Де́во, ра́дуйся! / И па́ки реку́: ра́дуйся! / Твой Сын воскре́се / тридне́вен от гро́ба, / и ме́ртвыя воздви́гнувый, / лю́дие, весели́теся.

Свети́ся, свети́ся, / но́вый Иерусали́ме, / сла́ва бо Госпо́дня / на тебе́ возсия́. / Лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй, (трижды).

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (Трижды)

И нам дарова́ живо́т ве́чный, / покланя́емся Его́ / тридне́вному Воскресе́нию.