Богослужебные чтения 27 октября 2026 года

Кол., 256 зач., II, 20 – III, 3. Лк., 34 зач., VIII, 1–3.

Послание к колоссаем, зачало 256

Бра́тие, а́ще умро́сте со Христо́м от стихи́й ми́ра, почто́ а́ки живу́ще в ми́ре стяза́етеся? Не косни́ся, ниже́ вкуси́, ни осяжи́; я́же суть вся во истле́ние употребле́нием, по за́поведем и уче́нием челове́ческим; я́же суть сло́во у́бо иму́ще прему́дрости в самово́льней слу́жбе, и смиреному́дрии и непощаде́нии те́ла, не в че́сти ко́ей к сы́тости пло́ти. А́ще у́бо воскресну́сте со Христо́м, вы́шних ищи́те, иде́же есть Христо́с одесну́ю Бо́га седя́; го́рняя му́дрствуйте, а не земна́я. Умро́сте бо, и живо́т ваш сокрове́н есть со Христо́м в Бо́зе.

Евангелие от Луки, зачало 34

Во вре́мя о́но, прохожда́ше Иису́с сквозе́ гра́ды и ве́си, пропове́дуя и благовеству́я Ца́рствие Бо́жие, и обана́десяте с Ним. И жены́ не́кия, я́же бя́ху исцеле́ны от духо́в злых и неду́г, Мари́а нарица́емая Магдали́на, из нея́же бесо́в седмь изы́де, и Иоа́нна жена́ Хуза́ня, приста́вника И́родова, и Суса́нна, и и́ны мно́ги, я́же служа́ху Ему́ от име́ний свои́х.