Молитва родителей за сына-воина

Го́споди Иису́се Христе́, Сыне Божий, моли́тв ра́ди Пречи́стыя Твоея́ Ма́тери услы́ши мя, недосто́йную рабу́ [или раба́] (имя).

Го́споди, в ми́лостивой вла́сти Твое́й ча́да моя́ [или́ ча́до мое́], рабы́ Твоя́ (имена), поми́луй и спаси́ их, И́мени Твоего́ ра́ди. Го́споди, прости́ им вся согреше́ния во́льныя и нево́льныя, соверше́нныя ими пред Тобо́ю.

Го́споди, наста́ви их на и́стинный путь Твои́х за́поведей, и ра́зум их просвети́ све́том Твои́м во спасе́ние души́ и исцеле́ние те́ла. Го́споди, благослови́ их слу́жбу в во́инскую, на су́ше, возду́хе и в мо́ре, в пути́, лета́нии и пла́вании и на вся́ком ме́сте Твоего́ влады́чества.

Го́споди, сохрани́ их силою Честна́го и Животворя́щаго Креста́ Твоего́ под кро́вом Твоим святы́м от летя́щей пу́ли, стрелы́, меча́, огня́, от смертоно́сной ра́ны, водна́го потопле́ния и напра́сной сме́рти. Го́споди, огради́ их от вся́ких ви́димых и неви́димых враго́в, от вся́кой беды́, зол, несча́стий, преда́тельства и пле́на. Го́споди, исцели́ их от вся́кой боле́зни и ра́ны, от вся́кия скве́рны и облегчи́ их душе́вные страда́ния.

Го́споди, да́руй им благода́ть Ду́ха Твоего́ Свята́го на мно́гие ле́та жития́, здра́вия и целому́дрия во вся́ком благоче́стии и любви́ в ми́ре и единоду́шии с окружа́ющими их нача́льствующими, бли́жними и да́льними людьми́.

Го́споди, умно́жи и укрепи́ им ум и теле́сные си́лы даруй, здра́вы и благополу́чны возврати́ их в роди́тельский дом.

Всеблаги́й Го́споди, да́руй мне, недосто́йной и гре́шной рабе́ Твое́й (рабу Твоему́) (имя), роди́тельское благослове́ние на чад мои́х (имена) дне́сь и на вся́кое вре́мя дня и но́щи, я́ко Ца́рствие Твое́ ве́чно, всеси́льно и всемогу́щественно.

Ами́нь.