Молитва ко Господу Богу и Спасу нашему Иисусу Христу о покаянии и мире во время войны

Го́споди наш, Иису́се Христе́, Сы́не и Сло́ве Бо́жий!

Прекло́ньше коле́на мо́лим Тя Всеблаги́й Созда́телю Неба и Земли, при́зри на ны, зде ны́не моля́щих Ти ся чад Твоих недосто́йных, аки свиния́ в калу́, в злово́ниях гно́ища грехо́вного сатане́ пре́жде служи́вших, но покая́нно к вели́цей Твоей Ми́лости ны́не вопию́щих всем се́рдцем о проще́нии грехо́в и дарова́нии мира наро́ду, стране́, града́м и ве́сям на́шим.

Преиспо́лнили ны Ча́шу Терпе́ния Твоего, Го́споди, за́поведей Твоих по горды́ни отступи́ли, нестрое́ния семе́йные устро́или, раздо́ры церко́вные не уврачева́ли, Гне́ва Твоего Пра́ведного не убоя́лись и ка́инов грех умно́жили, супоста́там поклони́лись земны́х благ стяжа́тельства ра́ди. Но ми́лостию Твоею скорбя́ми отверза́еши нам о́чи наша, да у́зрим смра́дность жития́ своего́ и взойде́м от глуби́н грехо́в блуда́ и стяжа́тельства, прелюбодея́ния и деторастле́ния, убие́ния во утро́бе младе́нцев и непочита́ния роди́телей, непослуша́ния и нетерпе́ния, высокоме́рия и человеконенави́стничества, малове́рия и неве́жества духо́вного.

Го́споди, Всемогу́щий Боже, прости́ и поми́луй нас ка́ющихся, и рук на́ших воздея́ния не отве́ржи, но отврати́ от нас весь Гнев Свой, утоли́ вся крамо́лы и нестрое́ния, и раздо́ры ны́не су́щия, и кровопроли́тия, и междоусо́бную брань, и пода́ждь мир и тишину́, любо́вь и ско́рое примире́ние лю́дем Твои́м, огради́ ны во́инством Твоим небе́сным, собери́ расточе́нныя, соедини́ разсе́янныя, возврати́ заблу́дшия, пода́ждь утвержде́ния же и укрепле́ния Це́ркве Твоея́ Святы́я, мир держа́ве нашей и благоде́нствие, изба́ви ю от тя́жких бед и несча́стий, возгре́й сердца́ наша теплото́ю благода́ти Твоея́ и напра́ви я к де́ланию за́поведей Твоих, их же Кро́вию честно́ю Твое́ю искупи́л еси́, сла́вы ра́ди и́мени Твоего́, яко Твое́ есть ца́рство, и си́ла, и сла́ва Отца́ и Сы́на, и Свята́го Ду́ха ны́не и при́сно, и во ве́ки веко́в.

Ами́нь.